Đhâu iz luz hli fuô uô trơưk luôs hâux lưv 420 uỷ ban tỉnh Điện Biên tso tơưv, tưz tir thêir tâu chor nênhs ruôr ntor jôngr ntông thiêz chor nênhs tsir têz qơưs tsik trơưk chêi hâur thax tsav huyện Mường Nhé.

Luôs hâux lưv 420 tâu fuô uô txix hnuz xiêz 1/3/2017, tỉnh Điênj Biên tưz cxiv tsa tâu Ban sêiz car thiêz cxuô lực lươngx công an đros trâu 454 lênhx cán bộ nhoz cxuô sở ban ngênhx hâur tỉnh thiêz huyện Mường Nhé sik côngv đros uô. Đhâu iz luz hli fuô uô, tưz qênhz yuôx tâu 4.400 ziv chuôz zis ruôr ntor jôngr thiêz tsưr tsix trâu 4.340 ziv chuôz zis ký ntơưr tsik tsir têz qơưs trâu cxuô qơư.Hùng x shôngx, Giám đốc công an tỉnh  Điện Biên hêik pâuz:  “Đhâu iz luz hli fuô uô cux uô tâu truôx cxuô luôs hâux lưv zok muôz. Lar hêik zos pêz tưz zênhx max tir thêir tâu chor nênhs ruôr ntor jôngr ntông; tir thêir tâu chor nênhs tsir tez qơưs tsik trơưk chêi lok trâu Mường Nhé. Qir tiv ruôr ntor jôngr zos tsir têz qơưs”./.

                                                                     (Tsu cxêik nhênhv-Vũ Lợi)

     Tưz muôx 70 txos 80% têx têz txir hơưk tưz khưx phưx tâu đhâu têx jiês ntux no njiv lox uô hiêv thâuv hâur shôngk shông 2016 ntơưv thax tsav tsôngv box Hmôngz nhoz huyện Mù Cang Chải, Yên Bái, tưz uô tsôngv box yênhx cxênhz ha têz txir hơưk, phênhv ntâu zos tsôngv box Hmôngz nhoz huyện Mù Cang Chải, tỉnh Yên Bái trâuss uô ruôr hiêv tas ntâu.

Taz sik, tâu ngênhx kôngz nuv paz lok sâuv tsưr ziv cux li chênhr tsôngv box têx sir jos viv li ntâu têz txir hơưk nhiv no tưz hlar, huôv jông tâuk tuôx, gra cêr shir phaz trâu tsôngv box, têx txir hơưk muôx têx zuôr tror tâu sâu đê, paz cxuz cêr yeiz pluôs. Têx têz txir hơưk lox, huôv jông tâuk sei zuôr paz trâu tsôngv box tox siêz Mù Cang Chải muôx nzir phênhv sâu tâu hâur têx shông zuôr txos./.

                                                                (Báo Yên Bái-Riê Lâux cxeik, nhênhv)

     Đhâu lênhx nênhs trâus ruôr hiêv hêik pâuz, zos Lường Tiến Quyết nhoz huyện Thuận Châu, tỉnh Sơn La, hêik lok luz yêz ziv chuôz zis ntiêr  thâux njuôs muôx bê 88C-09742, trâus ntâu njiê hlâu njiê trâu luz los yêz, thâuv muk đhâu sâuv ntu cêr lox 37, Giám đốc công an tỉnh Sơn La tưz chox car lực lươngx qênhz yuôx zênhx max.

Đhâu 3 hnuz qênhz yuôx, lực lươngx tưz  yơưz phơưz tâu lênhx nênhs fêv muôz njiê hlâu tso trâu hâur cêr cov trâus plaz yêz to. Qir tiv zos uô nox đros 4 lênhx tsik siz huv, zos Quàng Văn Chính, Tòng Văn Diên, Lò Văn Hoàng, Lường Văn Duyệt, nhoz trâu huyện Thuận Châu thiêz thành phố Sơn La, tỉnh Sơn La, siz zâuv chuôz njiê hlâu trâu zơưv Lường Tiến Quyết nhoz huyện Thuận Châu luz yêz thâuv muk thâux njuôs./.

                                                                            (Tsu cxêik nhênhv-TTT)

       Cik txos txuz Tsu x Zax, 26 shông, nhoz ntơưv jok Làng Cung 3, xã Phong Niên, huyện Bảo Thắng, tỉnh Lào Cai tưz trâus ntêk, viv zuôv tix lâus tuk nhuôv nxeik tsênhv zâu uô đaz uô tuôs thiêz tix lâus tuk nxeik ntơư zos Zax Thị D nhiv kruôr muôx 12 shông.

Hmo ciêz, hnuz xiêz 5/3/2017, niêv lâuk Say Xênhv Thox pov zuk tul txir thâuv tsênhv kâus chơưr tưz zuôv tuk nhuôv nxeik D uô đaz uô tuôs sâuv tuk nxeik co luz txax pư. Hnuz xiêz 8/3, đhâu thâuv pâuz tâu têx li heik ntơư, tuk nhuôv nxeik D chuôz zis tưz uô ntơưr pênhr tuk txir nzơưv Tsu x zax trâu cơ quan muôx vax huôv. Đhâu thâuv sơưr đơưk pâuz tas zuk cêr cxâuv, Tsu x zax tưz khiêr gâuv, taz sik Cơ quan Công an tưz zênhx max ntêk cxov tâu.

Đhâu qênhz yuôx, pâuz tsênhz, Cơ quan Cảnh sát qênhz yuôx-Công an huyện Bảo Thắng tưz tso tơưv quyết tinhv tik cêr cxâuv trâu Tsu x zax lok sâuv zuôv nhuôv nxêik zâu uô đaz uô tuôs./.

                   (An Kiên-Riê Lâux cxeik, nhênhv)