Đoanx đại biểu Côx hôiv khóa 14 tỉnh Yên Bái nhiv kruôr tsưr tsix chuôs njiz cử tri têx xã Trạm Tấu thiêz Pá Hu, huyện tox siêz Trạm Tấu, heik trâu cử tri pâuz lok jiês cơưv tiv 2, Côx hôiv khóa 14 thiêz mnôngs cử tri têx luk heik, ziv chênhv.

Cử tri huyện Trạm Tấu tưz heik mênhx txos têx  ziv chênhv thiêz thix ziv Côx hôiv, Chính phủ cov muôx têx faz tsưr ziv sir jos uô jông đuô hâux lưv phax tar nox nhiêx têz qơưs. Cử tri cux heik têz qơưs tror moz siêz txos uô thiêz chaz têx xor tênhv tênhz têz qơưs tuôx trâu têx jêx jok txov nhêv; sir jos uô jông hâux lưv qênhz shuôs têx xiv huv chuôr, xiv huv tsi muôx tsơưr lươngv ntơưv têx ciêz đrôngs tox siêz; uô jông têx tsênhv chei paz tsôngv box nhoz thax tsav txov nhêv huôv tsar uô nox….Đoanx đại biểu Côx hôiv tỉnh Yên Bái tưz sâu jênhv thiêz ntâuk grê siêz cử tri têx  luk heik, thix ziv. Chor đại biểu cux buôk ti têz cử tri iz cxiê ziv chênhv, luk nus zos zuk vax huôv, iz chas ntơư sâu jênhv têx luk heik, thix ziv tsi zos zuk vax huôv chiê xa trâu Côx hôiv cux li heik têx ngênhx muôx vax huôv seiz shuôs, đơưk tu thiêz têz trâu cử tri./.

                                                  (TTB-Riê Lâux cxêik nhênhv)

      Hnuz 30/11, tinhv Điênv Biên tưz tsưr tsix ntênhk khơưk muôz Vinh dự têz qơưk “Niêv Viêtx Nam zênhz shôngx” trâu 4 lênhx niêv, pox niêv liệt sir sâuv thax tsav tinhv Điênv Biên. Lơưr chuv tiv têz qơưk li cuêz tênhv sôr 1479 hnuz 22/7/2016, Điênv Biên muôx 4 lênhx niêv tâu khơưk kruôk Vinh dự têz qơưk “Niêv Viêtx Nam zênhz shôngx”. No zos chor pox niêv, thôngx cxix zos chor liệ sir tưz trâus tuôs li niêv viv côngz xưv giải phóng mênhx cxưx thiêz por vêv têz qơưk…Phưv chuv tiv UBND tinhv Đienv Biên Lê Văn Quỹ puz pâuz, nhiv no sâuv thax tsav tinhv muôx 16.000 ntâu lênhx nênhs muôx côgz trâu cách mạng, tâu sơưv cêr chêi, hâur co muôx 901 chuôz zis liệt sir. Txix shông 2011 txos nhiv no, tinhv tưz kho đuô, cxiv tsa yiêz 237 luz tsêr siêz jông, khơưk muôz 761 ntơưr cxênhx txuôs siêz jông. Chor niêv Việt Nam zênhz shôngx tưz tâu chor tsưr tsix, tiz nênhs, taz viv tsoz phưz sêiz shuôk tas siv nênhx…/.

                                                                           (Báo ĐBP-Lik Thox cxêik nhênhv)

      Tỉnh Lào Cai muôx cêr đriv têz ntêr buôk têz qơưs Trung Quốc đhâu 26 xã, phường, thị trấn. Iz chas ntơư, têx tuz lênhv pênhz phax tưz sir jos uô qênhz shuôs njôngr thax tsav, tsưr tsix yax kriê txos yênhx jêx jok, paz tsôngv box sir jos đros têx tuz lênhv pênhz phax seiz car, por hưv thax tsav ntus đriv, sơưr tơưv txênhz, phax tar têx nênhs fêv. Txix têx cêr sik thôngx siêz hâur cxiv tsa huôv tsar kinh tế-XH nhoz thax tsav ntus đriv thiêz  por hưv đriv têz têz qơưs, tsôngv box ccxuô jêx jok nhoz jê đriv têz tưz đros canr bôv, têx tuz lênhv zênhx pênhz phax qênhz yuôx por hưv, qênhz pov ntâu kror uô tsi truôx tuk thax tsav ntus đriv. Đại úy Nguyễn Đình Quang, Chính trị viên zênhx pênhz phax 257, Bát Xát, tỉnh Lào Cai heik:

     “Phôngz yaox chiv chir seiz car, por hưv đriv têz, têx ndêx cxok kuôk cêv ntus  đriv thiêz tuôr truôx txiv ngaz hâur thax tsav tưz uô tâu jông. Tsôngv box tưz paz muôz trâu zênhx pênhz phax 100 ntâu mông jông thiêz tsi so đros zênhx uô hâux lưv qênhz yuôx, por hưv ntus đriv thiêz tuôr truôx txiv ngaz nhoz thax tsav đriv têz, tsi chiê muôx qênhx shênhx nênhs fêv hâuz nziêk zuôr muôs têx pox niêv, nhuôs zâu hâur thax tsav….”./.

                                                                            (Thanh Thủy-Riê Lâux cxêik nhênhv)     

      Txix côngz xưv sik côngv por vêv, sêiz car shôngz ntông thiêz phax cuz tuô cuz jôngr nhoz huyện Than Uyên, tinhv Lai Châu đros thax tsav buôs ti huyện: Van Bàn (tinhv Lào Cai), Mù Cang Chải (tinhv Yên Bair) thax tsav jôngr tâu por vêv jông đuô, paz chuôz cxaz ndê thax tsav muôx jôngr vor. Huyện Than Uyên muôx zuôr xar 24.000 ha jôngr, hâur co muôx 22.000 ntâu ha jôngr chiv xênhz, 1.500 ha jôngr chos, thax tsav muôx jôngr vor tax 29% ntâu. Chor xar siz buôs ti muôx thax tsav jôngr lox, ntâu zav ntông thiêz tsiêx cxu tsiv gri, chor jôngr ntâu… Đros qênhx shênhx co, huyện Than Uyên chuôz ndê sik côngv đros chor huyện buôs ti Văn Bàn, Mù Cang Chải sêiz car, por vêv thiêz phax cuz tuô cuz. Đhâu côngz xưv sik côngv por vêv jôngr nhoz chor huyện buôs ti đros Than Uyên tưz gôngr phênhv tir thêir  chor nênhs uô hiêv txó jôngr, Phax cuz tuôx cuz. Thax tsav muôx jôngr vor ziv hnuz ziv chuôz ndê, gôngr phênhv truôx tuk qênhx shênhx chinhr triv, paz thơưz huôv tsar kinh têr-xar hôiv nhoz chor tiv phaz./.

                                                                            (Báo Lai Châu-Lik Thox cxêik nhênhv)

      Txos nhiv no, Chi Cục seiz car tsơưr lươngv kôngz-jôngr-đêx nuv tỉnh Sơn La tưz muôz tso hâur bê ntơưr car seiz 4.500 ntâu qơư tsiv uô, zuôr muôs têx xiv huv kôngz, jôngr, đêx nuv hâur tas nro tỉnh. Hâur ntơư, tưz qênhz yuôx shuôs, thiêz muôx 4 cxênhz qơư tsiv uô, zuôr muôx têx xiv huv li heik sâuv thiêx taz por ngaz tuk zav nox. Chi cục tsênhv paz 28 doanh nghiệp, hợp tác xã cxiv tsa, tuôr truôx thiêz huôv tsar uô têx jâuz, txir ntông, grêix tsiêx cxu, shuôz njêl ngaz tuk, uô trơưk tsưr ziv yiêz lok tsiv uô kôngz nuv VietGAP.

Hâux lưv qênhz yuôx, qênhz shuôs uô lơưr têz qơưs chei, cui tinhv lok ngaz tuk zav nox hâur tsiv uô thiêz côngz têx xiv huv li heik sâuv tsênhv tâu Chi cục sir jos uô jông. Zơưv Phạm Thế Cường, Chi cục tsar Chi cục seiz car tsơưr lươngv  kôngz, jôngr, đêx nuv tỉnh Sơn La heik:

       “Pêz tưz yênhx lix Chi cục đoanx qênhz yuôx, qênhz shuôs ntơưv iz cxiê thax tsav zov chênhr,  chêx tsôngk lok têx xiv huv zôngx ziv tsi taz por, têx jâuz, txir ntông, grêix tsiêx cxu, shuôz njêl. Reik đros trâu sir jos uô hâux lưv yax kriê têz qơưs têx chei lok ngaz tuk zav nox chiê gra siêz sđ txux chi tsưr ziv jênhv pâuz hâur tsiv uô, zuôr muôs têx zav nox”./.

                                                                           (Hồng Việt-Riê Lâux cxêik nhênhv)