Khov fuô uô ntâu faz tsưr ziv uô cê, viv li luôs hâux lưv cxiv tsa jêx jok yiêz nhoz Lào Cai tưz uô tâu lok six jông. Ciês shông 2016, tas nro tỉnh tưz hu zâuv sơưr đơưk siz chos gôngr paz tâu 1.400 tỷ đeiv ntâu trâu uô luôs hâux lưv no, hâur ntơư muôx 135 tỷ đeiv zos hu zâuv tsôngv pêx xênhv, têx tsưr tsix thiêz doanh nghiệp siz chos paz. Khov li ntơư, tas nro tỉnh tưz cxiv uô tâu 600 ntâu cêik cêr mul lok jêx jok; cxiv kho, uô đuô 20 tuk cưx đês đêx; cxiv kho 29 côngz trênhx tênhv tênhz; kho thiêz cxiv uô đuô yiêz ntâu luz tsêr vênhx huôv jêx jok…., paz uô tiêr tâu ntâu luôs hâux lưv, tsar ndê têx xã uô tâu hâux lưv cxiv tsa jêx jok yiêz hâur tỉnh muôx 28 xã. Zơưv Nguyễn Chí Sử, Bí thư huyện ủy Mường khương, tỉnh Lào Cai thav tiêk:

    “Pêz tưz fuô uô đros têx xã qênhz shuôs đuô hur tiz si 19 luôs hâux lưv uô. Têx hâux lưv uô cxiv tsa jêx jok yiêz tưz uô tâu mak cxiv kho iz kro mê njik cov jông. Yuôr têx hâux lưv uô tsi yuô tâu mak zuôr muôx tsưr ziv tsênhv tsênhz chiê phênhz côngz trâu têx ban ngênhx, ntơưv qơư sir jos fuô uô cov tâu. Têx luôs hâux lưv tưs zos tsôngv box li mak pêz tưz muôx tsưr ziv yax  kriê, vênhv tôngv chiê tsôngv box ir jos đros  uô cov tiêr”./.

                 (An Kiên-Riê lâux cxeik, nhênhv)

    Tas cik hnuz xiêz 1/3, tas nro tỉnh Điện Biên phuôx tôngv luz hlik hluôk nênhs shông 2017 đros njiêz luk “Têx hluôk nênhs siz chos côngv têk cxiv tsa jêx jok yiêz thiêz ciêz đrôngs vav mênhx”.

    Đros thiêz tsưr ziv “Uô ntêx nyuôs, sik thôngx siêz, xar tơưv têx tsưr ziv jông”, hâur luz hlik hluôk nênhs shông no, cxuô cấp bộ Đoanx tỉnh Điện Biên sir jos fuô uô têx luôs hâux lưv chiê uô tâu jông, lar heik zos sik côngv têk cxiv tsa jêx jok yiêz; cxiv tsa ciêz đrôngs hur jông, vav mênhx; tsưr tsix uô têx nuv por hưv tênhx qơư, phax tir thêir ntux txơưr txar thiêz fuô uô têx hâux lưv tsoz phưz, paz yênhx lix Đoanx hluôk nênhs cộng sản HCM.

   Đhâu hlo ntênhs phuôx tôngv, chor hluôk nênhs têx taz viv tưz qir uô hâux lưv đoz têx đrox, tu chor ntông pax lâus sâuv 2 saz ntus cêr Võ Nguyên Giáp; qêz suô têx vuôz tsuôz, kiêk nênhs ntơưv iz cxiê qơư di tích hâur thax tsav TP Điện Biên Phủ. No cux zos six hơưv chiê têx hluôk nênhs cơưv shâuv, uô lơưr chor lâuk đrav ntêx li têx cêr uô nênhx jông, uô ntêx nyuôs hâur cxuô luôs hâux lưv hâur ntu nhiv no./.

                              (Vũ Lợi-Riê lâux cxeik, nhênhv)