Lơưr Bộ y tế, txix hâur shông txos nhiv no, tas nro têz qơưk muôx 50 lênhx nênhs trâus tuôs viv moz vưv ntơưv 20 luz tỉnh, thành phố. Hâur co, 80% chor nênhs tuôs tsêx tsung nhoz thax tsav tox siêz faz Bắc. Chor shông jê lok no, iz shông pêz têz qơưk muôx zuôr xar 100 lênhx nênhs tuôs  viv moz vưv thiêz zuôr xar 400.000 lênhx nênhs trâus đêr, mir tov tsuv cxax yuôx phax moz vưv, đros nhiêx txiêx tas muôx 300 tỷ đêiv. Chiê phax tar moz vưv, Bộ y tế hêik pêx xênhv cxax yuôx phax moz cxix cxuô trâu đêr, mir thiêz cxax nzir yênhx shông lơưr nganhx thú y hêik kriê./.

(VOV4-Ly cxeeik nhênhv)

500 tsov đeiv ntâu zos chor nhiêx txiêx mak lưx lươngv muôx txơưx jênhv tỉnh Lào Cai xưv phuôv hành chính cxôngx hâur shôngk shông txos nhiv no đros têx lênhx nênhs tsar yêz thâux hnhar tsi trơưk cui tênhv, uô cxâuv têx txơưr đuô. 2 qơư seiz car yêz thâux hnhar nhoz niêv cêr 70 thiêz niêv cêr 4E tưz cir thiêz qênhz yuôx 2.200 ntâu jiês yêz mul lol; pov thiêz uô biên bản uô cxâuv hành chính đros 73 lênhx nênhs; hâur co muôx 57 luz yêz thâux hnhar tsi trơưk cui tênhv... Lưx lươngv muôx txơưx jênhv cux tưz sâu ntơưr tso chei tsar yêz đros 15 lênhx nênhs uô cxâuv. Ban taz por zaoz thôngz tỉnh Lào Cai puz pâuz, hâur têx luz hlik kaz shôngk shông, huôx tôngv thâux hax huv chuôz ndê siêz, viv li tỉnh zuôr tror chox kriê lưx lươngv muôx txơưx jênhv chêx chôngk chuôz tsar qênhz yuôx, seiz car, yưr lir txos qơư têx yêz uô cxâuv chei./.

                                                         (T.Thủy-Txâur Vax cxêik nhênhv)