Hnuz xiêz 3/4/2017, Cơ quan cảnh sát qênhz yuôx Công an huyện Mai Sơn, tỉnh Sơn La tưz ntêk cxov tâu Hà Văn Toản, 22 shông, nhoz ntơưv jok Nà Nọi, xã Chiềng Mung, huyện Mai Sơn, tỉnh Sơn La chiê qênhz yuôx uô cov tsênhz mênhx têx uô cxâuv li: zuôv têx nhuôv nxeik zâu uô đaz uô tuôs.

    Lênhx nhuôv nxêik  trâus Toản zuôv uô đaz uô tuôs ntơư zos Hoàng Thị Hồng Q, nhiv kruôr muôx 5 shông, nhoz côngv iz luz jok. Uô ntêx ntơư, thâuv lênhx nhuôv nxeik heik sâuv muk uô si trâu ntơưv zơưv Toản tsêr đros iz cxiê lênhx nhuôs txơưr đuô hâur jok, Toản tưz xar tsưr ziv tiêk, zuôr nziêk tuk nhuôv nxeik Q no uô đaz uô tuôs, viv li tưz zâuv lênhx nhuôv nxeik ntơư muk pêv trôngz, saz pêv tuk muôv kâuv tsêr (nhoz jê Toản tsêr) chiê đê txir khơưz. Đhâu ntơư Toản tưz zuôv lênhx nhuôv nxeik no uô đaz uô tuôs. Taz sik viv lênhx nhuôv no tsênhv zâu viv li Toản uô tsi tâu li chas, tsuôk zos lênhx nhuôv ntơư qơư mok trâus moz o mê njik xưz. Taz thâuv lok txos tsêr, tuk nhuôv nxeik Q tưz heik piêr kriê tas hur si trâu niêv thiêz txir pâuz; niêv thiêz txir thiêx uô ntơưr pênhr trâu Cơ quan Công an. Nhiv no txuz plâuz heik co tsênhv tâu tror qênhz yuôx, uô cov tsênhz mênhx./.

(Tuyết Lan-Riê Lâux cxeik, nhênhv)

    Txix hnuz xiêz 3/4 ,hur si cxuô xã, phươngx hâur thax tsav thành phố Yên bái, tỉnh Yên bái, tưz uô luôs hâux lưv ruôr hur tiz si têx fênhz suôz, muôs hax huv trơưk oz saz ntus cêr por tsês, zos đrêiv chêi tso tơưv.

    Ntơư cux chênhr zos, uô cov oz saz ntus cêr đar, zôngx ziv trâu tsôngv px sđ chêix tsar yêz muk lok tâus cêr. Đhâu hâur oz hnuz, fuô yax kriê, tưz muôx 800 ziv chuôz zis tưx ruôr yêv têx fênhz suôz ntơư por tsês thiêz txos trâu nhiv no,  tưz muôx 3 cxênhz ziv chuôz zis ký ntơưr tsik uô uô fênhz suôz cxâuv chêi trơưk oz saz ntus cêr./.

                                                                     (Chu dịch đọc-Xuân TB)

     Thâuv 8 six zar tas cik hnuz xiêz 10/4 zuôr txos, TP Lào Cai zuôr iz luôs tsưr tsix fuô kriê đuô lok sâuv txiv ngaz, ciêz đrôngs vav mênhx, hâur ntơư chêx tsôngk uô ntêx trâu hâux lưv njêis yêv têx fiêx uz nov ntơưv têx ntus cêr cov hur si, đar pho chiê lênhx nênhs muk tơư muôx qơư mul lok. Nhiv no, luôs hâux lưv yax mông, piêr kriê tưz tâu fuô uô đêz đar txos trâu têx chi bộ, jêx jok. txơưv tiêk tsi tâu txos six hơưv tsưr tsix uô luôs hâux lưv  no, taz sk tưz muôx iz cxênhz tsưr tsix, ziv chuôz zis chiv chir njêis yêv zuk têx xiv huv, fiêx uz no....mak lơưr tso thiêz cxiv uô nav têx ntus cêr mul lok. Trơưk li zơưv Lê Quang Minh, Chủ tịch UBND TP Lào Cai, TP zuôr sir jos uô luôs hâux lưv no taz sik cux max mav heik, uô li chas huv chei, trơưk cui tinhv. Yưx têx lênhx nênhs tsi mnôngs, tsi uô trơưk mak zuôr trâus zuôv ntơư, đros thiêz têx lênhx nênhs uô cxâuv txơưr đuô, TP zuôr vênhv tôngv, heik thiêz sâu ntơưr tsês, cov lơưr cir ntơưr lênhk nhav muôx tsưr ziv kho, njêis yêv cov nzor muôx cêr jông mul lok trâu sơưr đơưk./.

(An Kiên-Riê Lâux cxeik, nhênhv)

     Thâuv 7 six sơưr nzor hnuz xiêz 4/4, ntơưv ntu cêr Giang Ma, xã San Thàng, thành phố Lai Châu, muôx iz luz yêz lox biển số: 15C-03639 tsênhv taz tov muk txix Laox cai tuôx trâu trôngx đriv ma Lù Thàng, huyện Phong Thổ, tỉnh Lai Châu.  Thâuv tsar yêz tuôx txos trâu ntơưv ntu cêr Giang ma ho njiz iz luz yêz lox, taz sik ho tsik thâux đra; viv txox cêr no mê, oz yêz siz jav, cux uô luz yêz thâux đra ntơư trâus pôz kaz cê./.

(Chu dịch đọc-Khắc Kiên)