Hâur six hơưv tuôx seiz yuô, cơưv seiz lax ntơưv pêz tỉnh, nhiv kruôr đhâu, đoanx đại biểu Đảng, hâu nov tỉnh Luông Phra Băng, têz qơưs Lok Tsuôk zos đôngx chir Khăm Khẳn Chăn Thạ Vi Súc, Ủy viên BCH  T.Ư Đảng têz qơưs Lok Tsuôk, Bí thư, Tỉnh trưởng tỉnh Luông  Phra Băng uô thơưx chox đoanx tưz tuôx seiz shuôs canr bôv, công nhân viên tsêr meir tênhv tênhz Nà Lơi, xã Thanh Minh  trâur nuv huôv tsar tu zus tsiêx cxu, uô nox; seiz shuôs zơưv Vũ Khắc Đẩu, nhoz jok Kê Nênh, xã Tà lèng, TP Điện Biên Phủ qơư tu zus njêl, buô thiêz muôk lưx….

Đôngx chir Khăm Khẳn Chăn Thạ Vi Súc đros đoanx đại biểu tỉnh Luông Phra Băng sâu jênhv TP Điện Biên Phủ têx tsưr ziv huôv tsar uô nox ntơư tâu njuôk hov, cxiv uô jông thiêz sâu tâu ntâu; ntơư zos tsưr ziv nhênhz chơưv, cơưv shâuv chiê fuô kriê trâu tsôngv box tỉnh Luông Phra Băng cơưv shâuv, uô trơưk./.

                                        (TTT-Riê Lâux Lâux)

    Trơưk li tsênhv qơư njuôk xav ntux yar ntux nas, Bắc bộ cux tsênhv zuôr lok chuô txiêk txix hmo xiêz 8/11. Hmo xiêz 6/11, coz chuô txiêk tsênhv taz tov lok trâu faz Nam. Trơưk li njuôk xav, coz chuô txiêk tsênhv zuôr lok trâu cxuô tỉnh Bắc Bộ; đhâu ntơư tsênhv zuôr uô ruôr hiêv txos Bắc Trung Bộ thiêz faz Đông Bắc trơưk ntus đêx hiêr.  Hâur têx hnuz hêik ntơư,  cxuô tỉnh Bắc Bộ zuôr muôx ntux no thiêz./.

                                                                                                    (Tsu cxêik nhênhv-TTT)

   Thâuv 5 six tas cik hnuz xiêz 4/11, Phòng cảnh sát tênhx qơư-Công an tỉnh Lào Cai đros Chi cục seiz car tsơưr lươngv têx kôngz-jôngr ntông-shuôz njêl-Sở kôngz nuv thiêz huôv tsar tox siêz tỉnh qênhz pov, qênhz yuôx, sâu tsês tâu 200 nhnaz njuôs shôngz tsi pâuz tsênhz qơư, xav hur si muôx 10 tênhr.

Chor njuôs no tâu sâu zuôr lok tsês hâur pos Phạm Thị Quyên, xênhz shông 1979 ntơưv thax tsav đriv têznhoz tổ 2, phường Lào Cai, TP Lào Cai tsêr. Trơưk li pos Quyên krêz lênhk, chor njuôs no tâu zuôr txix Hà Giang lok, đros thiêz grê zuôr zos 4 cxênhz đeiv iz cir chiê muôs đhâu đriv têz trâu Trung Quốc đros thiêz grê 5.500 đeiv iz cir.

Tâu pâuz, uô ntêx ntơư pos 2 niêv txir tưz muôz hur si chor njuôs heik sâuv tsâu vâuv iz zav yuôx Trung Quốc chiê por hưv tâu ntêr. Nhiv no, txuz nuv co tsênhv tâu cơ quan muôx vax huôv tror qênhz yuôx, uô tsênhz mênhx./.

                             (An Kiên-Riê Lâux cxêik nhênhv)

      Uỷ ban thành phố Sơn la, tỉnh Sơn la nhiv kruôr tsưr tsix côngk nhav xã Chiềng Cọ uô tâu tiêr luôs hâux lưv  cxiv tsa jêx jos shông 2016.Xã Chiềng Cọ, thành phố Sơn la zos iz hâur 11 xã uô tâu tiêr luôs hauax lưv cxiv tsa jêx jos yiêz ntơưv tỉnh Sơn la. Đhâu 5 shông fuô uô luôs hauax lưv cxiv tsa jêx jos yiêz, xã Chiềng Cọ tưz yax kriê tsôngv px đros côngv uô cxuô luôs hâux lưv cxiv tsa jêx jos yiêz. Đhâu fuô yax kriê, tưz muôx 3 cxênhz lênhx px đros cxiv uô tâu 51 cêik cêr muk lok trâu xã, jêx jos; cxiv uô qơư tok đêx lok huôv tsar tsêz chos kôngz lôngk. Chênhr zos li hêik ntơư, xav txos trâu nhiv no, xã Chiềng Cọ tưz uô tâu tiêr 19 luôs hâux lưv cxiv tsa jêx jos yiêz. Zơưv Quàng Văn Lẻ, chủ tịch uỷ ban xã Chiềng Cọ, thành phố Sơn la hêik pâuz tiêk “Đhâu côngv nhav zos xã uô tâu tiêr cxuô luôs hâux lưv cxiv tsa jêx jos yiêz, xã tsênhv zuôr sir jos yax kriê tsôngv px sđ huôv tsar cêr uô nox hâur côngv thôngx đros trâu huôv tsar cêr thôngx siêz, sđ muôx luz nênhx truôx tuk”./.

                                                                                              (Tsu cxêik nhênhv-Việt Anh)

        Tas cik hnuz xiêz 6/11, tsêr cơưv Phổ thông Dân tộc nội trú cấp 2 huyện Văn Chấn, tỉnh Yên Bái tsưr tsix chiv nhênhv 50 shông hnuz tsa tâu tsêr cơưv (shông 1966-2016) thiêz lênhk txeik côngz mênhx hov 2 uô tâu lưv jông. Zơưv Triệu Tiến Thịnh-Ủy viên Ban Thường vụ Tỉnh ủy, Phưv Chủ tịch HĐND tỉnh tuôx dự ntênhs.

Đhâu 50 shông cxiv tsa thiêz huôv tsar, tsêr cơưv thâuv tưs tưz uô tâu tiêr jông têx luôs hâux lưv zok muôz. Cxuô lênhx cưk kriê hâur tsêr cơưv cux hmôngr jông, tâu Đảng, têz qơưs muôz côngz mênhx hov 2 thiêz hov 3 uô tâu hâux lưv jông, iz tuk qix sik tưr uô nuv jông thiêz Chính phủ 2 đeiv ntơưr; Bộ zoz zux 10 đeiv ntơưr kruôs đros trâu UBND tỉnh cux muôz ntâu ntơưr kruôs; 2 lênhx cưk kriê ntơưr tâu kruôs zos uô tâu hâux lưv jông, iz lênhx tâu kruôs zos zênhz shôngx lox tôngv uô nuv jông hâur ntu têz qơưs  hlôngr yiêz.

Ndax six hơưv chiv nhênhv 50 shông hnuz tsa tâu tsêr cơưv, tsêr cơưv cux tâu Chủ tịch têz qơưs muôz côngz mênhx hov 2 uô tâu hâux lưv jông, 4 lênhx thiêz iz tập thể tâu Bộ Zoz zux muôz ntơưr kruôs./.

                                             ( KT-Riê Lâux cxêik nhênhv)