Hâur tsaz yênhx sik njiz hluôk nênhs Việt-Trung jiês tiv 3, zar hnuz kêix 7/11 ntơưv thành phố Lào Cai, 200 ntâu têiv plor hluôk nênhs tỉnh Lào Cai (Việt Nam) thiêz tỉnh Vân Nam (Trung Quốc) tưz cxaz chuôz diễn đàn hluôk nênhs uô ntêx hlo huôv tsar kinh tế-xã hội.

Ntơưv jiês sik njiz, hlôngr njêx muôs trâu hluôk nênhs 2 tỉnh Lào Cai (Việt Nam) thiêz Vân Nam (Trung Quốc) tưz sik thav, phêiz kênh têx xor mông lok chêx cur cxaz chuôz huôv tsar kinh tế-xã hội hluôk nênhs oz tos; phêiz kênh têx chênhz zênhv chiê phuôx huiz tsưr tsix đoanx thiêz chor hluôk nênhs li pưk txux hâur huôv star kinh tế nhoz oz têz qơưk; hêik pâuz têx tsưr ziv huôv tsar kinh tế, đros chor chênhz zênhv thiêz chêx cur mak doanh nghiệp hluôk 2 têz qơưk tax tâu hâur huôx tôngv kriz uô hâux lưv./.

                                             (TTTB-Lik Thox cxêik nhênhv)

       Zar hnuz keix hnuz xiêz 7/11, Văn phongx TW Đảng li đoanx côngz xưv zos đc Bùi Văn Thạch- Phưv chánh văn phòng Trung ương Đảng uô tsar đoanx tưz muôx jiês uô hâux lưv đros Tỉnh ủy Yên Bái lok qênhx shênhx phuôv tsar kinh têr- xã hôiv sâuv thax tsav. Ntơưv jiês uô hâux lưv, đ/c Phưv chánh văn phongx Trung ương Đảng Bùi Văn Thạch tưz sâu jênhv, ntâus grê siêz tỉnh Yên Bái li têx chêx cuk phuôv tsar kinh tế xã hôiv hâur six hơưv đhâu. Đ/c heik mênhx, chiê kinh tế Yên Bái phuôv tsar tror phuôv tsar đuô, tỉnh tsuv tror chêx chôngk hlôngr yiêz tsưr ziv tsiv uô kôngz nuv, truôx siêz krêz đar phuôv tsar têx tsưr ziv sik côngv uô, zaz zâuv têx doanh nghiệp yưv pênhr lok têx venhv thix kôngz nuv; nriêr têx tsưr ziv jông hâur tsiv uô kôngz nuv chiê muôx têx xiv huv kôngz nuv muôs trâu niêv ciêz hâur thiêz đrâuv luôk oz chas têz qơưk..../.

                                                                                      (KT-Txâur Vax cxeik nhênhv)

       Lơưr xor mông txix Sở nội vụ tỉnh Điện Biên, iz huôv tỉnh nhiv no muôx 6.066 lênhx shux xênhz cơưv tiêr ntơưr txix trung cấp tror sâur tsik tâu muôx hâux lưv uô huv li têx tâu cơưv đhâu lok. Hâur co, 228 lênhx shux xênhz cơưv tiêr ntơưr txix Trung cấp tror sâur zos cử tuyển.

Côngz xưv nriêr hâur lưv uô trâu chor shux xênhz cơưv tiêr ntơưr sâuv thax tsav tỉnh njiz ntâu phiv liv viv chor nênhs uô hâux lưv hâur têx cơ quan; taz viv Đảng, têz qơưk, tsưr tsix chính trị-xã hội yênhx shông tâu choz tsik ndê. Đros co, kror txo grêk tsơưs chor nênhs uô hâux lưv lơưr Chính phủ li Nghị quyết số 39-NQ/TW Bộ chính trị thiêz Nghị định 108/2014/NĐ-CP cux zos qir tiv uô muôx yưv kror lax nriêr hâux lưv uô trâu shux xênhz cơưv tiêr ntơưr hêik cxuô thiêz shux xênhz cơưv tiêr hệ cử tuyển hêik taz…/.

                                         (KT-Lik Thox cxêik nhênhv)

       UB tỉnh Lai Châu tsưr tsix jiês khiêz phêv yax six hli 11. Jiês khiêz phêv tâu tsưr tsix hâur 2 hnuz xiêz 7-8/11. Đồng chí Đỗ Ngọc An- Phưv bí thư tỉnh ủy, chủ tịch Ub tỉnh lov lik jiês khiêz phêv. JIês khiêz phêv chêx chôngk sik seiz lax, tso ziv chênhv thiêz thôngz đhâu ntâu njiêz luv coaz tsôngv lok têx pov cov qênhx shênhx, ntâuz ntơưr thiêz dự thảo Nghị quyết uô tsưr ziv phuôv tsar kinh têr-xã hội, taz por côx phax- txiv ngaz shông 2016 thiêz tsưr ziv shông 2017; qênhx shênhx sir zôngv pênhr shông 2016 thiêz tsưr ziv zôngv pênhr shông 2017; pov cov cxiv tsa, ntâuz ntơưr thiêz dự thảo Nghị quyết tsưr ziv yưv pênhr côngz 5 shông ntu 2016-2020; ntâuz ntơưr thiêz dự thảo Nghị quyết thôngz đhâu tsaz yênhx phuôv tsar kinh têr trôngx đriv Ma Lù Thàng txos shông 2020, thiêz ntâu ntâuz ntơưr txơưr..../.

                                 (KT-Txâur Vax cxêik nhênhv)

       Chiê taz por qênhx liv trâu nênhs sir zôngv, tiv zix zos chor jiês kaz ciêz, thâuv chor kruô du liv tuôx trâu thax tsav chuôz ndê, côngz xưv qênhz yuôx ciêz đrôngs hax huv tâu đội sêiz car huyện Mộc Châu, tỉnh Sơn La uô truôx jông. Tiv zix zos chor hax huv zav nox. Đhâu qênhz yuôx 9 hli hâur shông no, lưx lươngv tưz xưv lik 150 ntâu txuz phamv cxâuv đros chor nhiêx xưv bluô muôx q tỷ đêiv ntâu.

Lok chor tsưr ziv tror paz thơưz côngz xưv no hâur ntu zuôr txos, zơưv Nguyễn Xuân Trìu, đội phưv đội sêiz car ciêz đrôngs huyện Mộc Châu, tỉnh Sơn La puz pâuz: “Lok jênhv vưv thiêz chor tsưr ziv hâur hli kaz shông 2016 mak đội sêiz car ciêz đrôngs huyện Mộc Châu tưz muôx tsưr ziv li đrav kaz: Iz zos yax kriê txos trâu pêx xênhv thiêz chor tsưr tsix, tiz nênhs kinh doanh thương mại pâuz tâu pháp luật thương mại thiêz iz cxiê kror txơưr đuô chiê taz por huv li cêr chêi; tiv oz thiêz zos xưv lik truôx chor nênhs phamv cxâuv lok ngaz tuk vêv xênhz zav nox chiê txo grê têx zav nox tsik hur muôx sâuv ciêz đrôngs huyện Mộc Châu”./.

                               (Hoàng Long-Lik Thox cxêik nhênhv)