Hâur 2 hnuz no, ntơưv thax tsav tỉnh Yên Bái muôx lok nas zâu đros trâu ntux no, jêx tưv txix 15-19 tưv, thax tsav tox siêz muôx têx qơư kis đuô 14 tưv. Sở zoz zux thiêz thox cxov tưz chox kriê têx tsêr cơưv cov moz siêz heik trâu shux xênhz hnhar têx tsôngk trik yo sor. Trơưk li tsênhv qơư yuô pov ntux yar ntux nas T.Ư, njuôk xav jêx tưv txix 15-18, muôx ntux no njiv nhoz têx thax tsav tox siêz. Sở zoz zux thiêz thox cxov tỉnh Yên Bái tưz chox kriê têx tsêr cơưv chuôz tsar tiês cxuô faz tsưr ziv phax tar no trâu shux xênhz, tsuv moz siêz txos têx shux xênhz cxênhx nhuôs zâu, shux xênhz muôx luz nênhx txov nhêv, shux xênhz nox nhoz hâur tsêr cơưv chiê cơưv ntơưr ntơưv têx tsêr cơưv tox siêz. Pos Nguyễn Thị Tuyến, thơưx seiz car tsêr cơưv cxênhx nhuôs zâu An Bình, huyện Văn Yên, tỉnh Yên Bái heik:

    “Tiv iz pêz yax kriê trâu shux xênhz niêv txir cov muôz têx tsôngk trik yo sor trâu shux xênhz hnar tuôx tsêr cơưv cơưv ntơưr, viv no zos thax tsav tox siêz muk lok phiv liv. Têx lênhx cưk kriê ntơưr hâur tsêr cơưv cux tưz vênhv tôngv têx lênhx cưk kriê ntơưr hâur tsêr cơưv cov paz thov khưv, têx txox fuôv, yo sor trâu têx nhuôs shux xênhz. Đros thiêz thax tsav 135, têx qơư cơưv nhoz đêz, shux xênhz niêv txir gôngr tsi tâu nhiêx trâu têx nhuôs nox nhoz hâur tsêr cơưv viv li têx nhuôs chiv chir gra jâuz mor đros muk cơưv ntơưr chiê nox suk, pêz vênhv tôngv shux xênhz niêv txir zuôr têx luz lâux câuz uô mor tênhv chiê trâu têx cưk kriê ntơưr tror muôz chor nhuôs têx jâuz mor ndu thiêz râuz cov sor”./.

                                     (Thừa Xuân-Riê lâux cxeik, nhênhv)

     Hnuz xiêz 7/3, ntơưv thax tsav xã Ẳng Nưa, huyện Mường Ảng, tỉnh Điện Biên, Phongx Cảnh sát qênhz yuôx têx nênhs nhiês zuôr muôs, uô luôv zax zênhz (Công an tỉnh Điện Biên) tưz ntêk tâu 2 lênhx nênhs zos: Jêz Xênhv Hơưx, xênhz shông 1979 thiêz Xoz Xênhv Hơưx, xênhz shông 1985 puôr lênhx nhoz đros côngv jok ntơưv Pá Luống, xã Ảng Cang, huyện Mường Ảng, sâu tsês tâu 2 poz zênhz đơưz, muôx nhos 700 ga, 12 tsov đeiv nhiêx, iz traz triêv njê hâu thiêz ntâu zav chuôz zênhx txơưr đuô cik txos. Ntơưv Cơ quan qênhz yuôx,  2 lênhx nênhs heik sâuv krêz lênhk tiêk, tưz zuôr chor zax zênhz heik sâuv ntơưv thax tsav đriv têz lok, tsênhv taz tov thâux gra muk muôs txơưv trâus lưv lươngv Công an qênhz pov thiêz ntêk tâu./.

                                   (Vũ Lợi-Riê lâux cxeik, nhênhv)