Đros trâu cxuô tsênhv qơư txơưr đuô hâur hur si têz qơưs, txix ciês hâur shôngk shông cơưv yiêz 2016-2017, uô trơưk chỉ thị ntơưv Bộ zoz zux, tỉnh Sơn La tưz tror qênhz yuôx đuô cxuô luz tsêr cơưv ntơưr uô cov huv đros. Chiê uô cov tâu truôx luôs hâux lưv hêik ntơư, nhiv no hâu nov tỉnh tsênhv taz tov sir jos uô trơưk têx luôs hâux lưv tso tươv hâur  ngênhx zoz zux ntu 2008-2020./.

                                                          (Tsu cxêik nhênhv-VOV4)

Lênhx nhuôs trâus tuôs đhâu thâuv cxax yuôx vắc xin tas zos Nguyễn Thị Thảo Hương, muôx 4 luz hlik, nhoz xã San Thàng, TP Lai Châu.

Tâu pâuz, tas cik hnuz xiêz 5/3, tuk nhuôv heik sâuv niêv thiêz txir chox tuôx cxax yuôx vắc xin phax moz ntơưv qơư y tế xã San Thàng trơưk li qơư y tế ntơưv qơư heik. Tuôx txos no, tuk nhuôv tâu cưk yuôx cxax yuôx vắc xin phax moz kruô njưk BCG. Đhâu cxax tas, tuk nhuôv Hương tâu qơư y tế tso nhoz ntơưv qơư co muôx 30 phênhz chiê sox seiz sêz pok pov muôx li chas yưv thiêz tưz tsi pov uô li chas viv li tưz chiê lênhx txir chox tuk nhuôv Hương lok mul tsêr. Txos thâuv 3 six zar hnuz kêix đros hnuz, tuk mê nhuôv Hương iz chêr nzâus jux juk, têx têk tơư txiêk, njêx muôs đuz tas. Đhâu hlo ntơư, chor nênhs hâur tsêr tưz chox ciês tuk nhuôv muk trâu tsêr kho moz Đa khoa tỉnh Lai Châu chiê chơưv kho. Taz sik, tuôx txos tsêr kho moz tsi ntêr, tuk mê nhuôv tưz trâus tuôs.

Nhiv no ngênhx y tế tỉnh Lai Châu tưz yênhx lix đoanx qênhz yuôx, qir lo chiv têx yuôx vắc xin sir zôngv cxax têx nhuôs zâu ntơưv qơư y tế xã San Thàng thiêz têx ntâuz ntơưr, chuôz zênhx cik txos chiê qênhz yuôx, uô tsênhz mênhx qir tiv./.

                                     (Khắc Kiên-Riê Lâux cxeik, nhênhv)

Công an qênhz yuôx, yơưz phươz têx nênhs fêv nhiês zuôr muôs zax zênhz công an tỉnh Laox cai, nhiv kruôr cxov tâu iz lênhx zuôr muôs zax zênhz poz jêz, hnar muôx iz cir.

Hnuz xiêz 5/3 ntơưv thax tsav jos 4, phươngx Duyên Hải, đrôngl Laox Cai, Công an qênhz yuôx, tir thêir têx nênhs fêv nhiês zuôr muôs zax zênhz, công an tỉnh Laox cai tưz txêik tâu mông px hêik pâuz thiêz yơưz luz yêz ô tô gra bê 19C-09.916, zos Nguyễn Đăng Nguyên tsar. Đhâu qênhz yuôx, yơưz phơưz, công an tưz yơưz pov 530 njiêr njuôr shơư zênhz đros trâu oz hnaz zênhz poz jêz, hnhar muôx iz cir.

Nhiv no công an tsênhv taz tov qênhz yuôx cov tsênhz yuôx cov tsênhz mênhx chiê muôz tik cêr cxâuv cov zos đrêiv chêi tso tơưv./.

                                                       (Tsu cxêik nhênhv-An Kiên)

Côngz trênhx cxiv kho tuk qox đei ntơưv jok Tin Tốc thiêz txox cêr txix tsênhv qơư xã Mường Tùng, huyện Mường Chà, tỉnh Điện Biên muk trâu jok Tin Tốc nhiv kruôr tâu yưv pênhr uô tiêr thiêz muôz lok sir zôngv txix hâur shông 2016. taz sik nhiv kruôr mul lok tâu iz shông ntâu, txox cêr no tưz puôk tsuôx, tsi jông tas, uô trâu tsôngv box sơưr đơưk tsi jông siêz.

Côngz trênhx tâu yưv pênhr uô tas muôx nhos 1,5 tỷ đeiv, txix Chính phủ pênhr nhiêx tsaz yênhx 135. No zos dưv anr Phongx mênhx cxưx huyện Mường Chà uô tsưr yưv pênhr uô, doanh nghiệp xiz nênhs Hồng Nhung cxiv uô. Txox cêr heik sâuv ntêr muôx 1,4 cêik, uô luôv xuôz jêz, đar 3 thiêr. Co tsi zos côngz trênhx xuz thơưx mak Phongx mênhx cxưx huyện Mường Chà uô tsưr yưv pênhr uô, uô tsi tâu trơưk tsưr  ziv. Uô ntêx ntơư lok shông 2016, txox cêr muk trâu jok Ma Lù Thàng, xã Huổi Lèng muôz pênhr nhiêx 135 uô zos, taz viv no uô tsưr cux puôk tsuôx, tsi jông tas đhâu thâuv muôz lok sir zôngv hâur iz ntu tsi tâu ntêr./.

                                        (Báo Điện Biên-Riê lâux cxeik, nhênhv)