VOV4.Sêdang - Hâi lơ 6/9, Khu hnê mơhno hbrâ mơdât pơreăng COVID-19 kong pơlê Lâm Đồng hiăng ai hlá mơ-éa ‘na tơdroăng pơtê klâ kơtăn tiô pơkâ 16 ƀă 2 to cheăm dêi pơlê kong kơdrâm Đà Lạt klêi ai tíu tâ pơreăng ing Kŏng ti pro prế Đà Lạt xua hiăng kâi mơdât pơreăng. Hdrối mê, kong pơlê Lâm Đồng ai 2 ngế yương tĭnh COVID-19 cho kŏng nhân cheăng a Kŏng ti pro pré Đà Lạt a cheăm Trạm Hành, klêi mê pơreăng tâ tú rơdêi troh kuăn pơlê. kong pơlê Lâm Đồng  hiăng pơkâ thế pêi pro tơdrêng  klâ kơtăn pơlê pơla tiô pơkâ 16 ƀă 2 to cheăm Xuân Trường ƀă Trạm Hành dêi Đà Lạt, pakĭng mê, tơkŭm mơngế tí tăng mâu ngế ki achê ngế tâ pơreăng bâ klâ ối krê, vâ mơdât pơreăng.

2 to cheăm  Xuân Trường ƀă Trạm Hành dêi pơlê kong kơdrâm Đà Lạt pơtối klâ kơtăn tiô pơkâ 15

Kơ’nâi lối 1 khế tơbleăng pêi hên tơdroăng, troh nôkố tíu tâ pơreăng mê hiăng kâi mơdât, tâi tâng lối 150 ngế ki tơdjâk châ mơnhên cho yương tĭnh. Riân troh kơhâi dế lơ 6/9, Lâm Đồng ai 258 ngế dương tĭnh ƀă COVID- 19, tung mê ki hên cho pơlê kong kơdrâm Đà Lạt tâi tâng 157 ngế tâ tú.

Gương tơplôu ƀă tơbleăng