VOV4.Xơ Đăng - Tơdroăng ki tŏng kum Têt Lo hơnăm nếo ăm mâu ngế pêi cheăng dêi khu tơrŭm Kong đoân đi đo châ tối tơbleăng pêi pro tŭm tung tơdroăng ki ôh tá lôi đoân viên, mâu ngế pêi cheăng ki lâi ôh tá ai Têt. Tung rôh Têt Lo hơnăm nếo Nhâm Dần hơnăm kố, tơdroăng cheăng tŏng kum Têt châ tơbleăng tơkŭm a mâu tíu pơlê, cheăm, ƀă tâi tâng kơxô̆ liăn ‘no ăm tơdroăng tŏng kum đoân viên mâu ngế pêi cheăng dâng 2.400 rơtal liăn sap ing liăn ngân ki ‘măn kơdĭng dêi kong đoân.

Kố cho tơdroăng ki tối tơbleăng a rôh hôp tơbleăng xua Khu xiâm tơrŭm ngăn pêi cheăng Việt Nam tơkŭm po a kơxê hâi lơ 2/12 a Hà Nội. Pơxá, Têt tơrŭm – Hơngui tơniăn", tơdroăng cheăng tŏng kum Têt ăm đoân viên, mâu ngế pêi cheăng hơnăm kố châ rêm râ kong đoân tơkŭm a kong pơlê, tơring,  cheăm ƀă a râ kơpêng kơpong tíu pêi cheăng, kơpong tíu ki mơjiâng pro, kơpong cheăng kâ, a mâu khu mơdró kâ, tíu ki ai hên kuăn pơlê đoân viên, mâu ngế pêi cheăng.

Katarina Nga tơplôu ƀă tơbleăng