VOV4.Sêdang -  Tiô Khu hnê mơhno hbrâ ví kong prâi pro ôh tá tơniăn [a\ ti tăng to\ng xo mơngế hliăng tiâ kong pơlê Kon Tum, tung hâi lơ 19/10 a kong pơlê hiăng ai ngế hlâ ki má pái xua kong mêi têa kân lân lu. Ngế ki hlâ mê cho muăn kơdrâi 13 hơnăm, ối a thôn 5, cheăm }ư\ Hreng, pơlê kong kơdrâm Kon Tum hlâ xua klâk têa a têa kroăng Đăk Bla.

Hdrối mê a hâi lơ 11/10 a tơring Đăk Glei [a\ Tu Mrong dêi kong pơlê Kon Tum hiăng ai 2 ngế hlâ xua kong mêi têa kân lân lu. Rơtế [a\ tro hlâ hía ‘na mơngế, kong mêi kân ton hâi a kong pơlê Kon Tum tung mâu hâi kố nah xuân hiăng pro tro lu\p ó ‘na kế tơmeăm khoăng.

Têa kân lân lu têa kroăng Đăk Bla, kơpong tơkâ hluâ pơlê kong kơdrâm Kon Tum

Xêo troh hâi lơ 19/10 tâi tâng tro lu\p roh kong mêi têa kân lân lu tung kong pơlê Kon Tum cho vâ chê 45 rơtal liăn. Ahdrối tơbleăng tối hdrối kong mêi kân ton hâi, khu râ kăn pơkuâ mâu khu râ dêi kong pơlê Kon Tum rơtế kuăn pơlê dế mơ-eăm rơnêu kế tơmeăm khoăng ki tro lu\p, rế pơtối po rơdâ mâu troăng hbrâ ví [a\ kong mêi têa kân lân lu.

A Sa Ly tơplôu [a\ tơbleăng