Mâu troăng kân tung kơpho# pơlê kong kơdrâm Buôn Ma Thuột, mê cho: Y Jut, Nơ Trang Long, Lý Thường Kiệt, Hai Bà Trưng, Điện Biên Phủ… ối tung bêng Thống Nhất, pơlê kong kơdrâm Buôn Ma Thuột ai kơdrâm rơxế, mơngế prôk lăm. A kố ai hên mâu hngêi tê mơdró kâ ôu, hngêi ăm tơmối kâ koi ối pơtê, hngêi rak liăn ngân, hngêi mơdró ôu kơphế, Tíu tê mơdró kân, kơchơ tê mơdró a kơmăng.

Nâ Mai Huỳnh Tiên, ngế ki mơdró tung kơchơ Buôn Ma Thuột ăm ‘nâi, hdrối nah, kơpong kố cho tíu ki ai to tơdroăng oh tá tơniăn, hên mâu ngế ki tong hơ’ve\ng tơmeăm, mâu ki gak ngăn pá ro\ng ki pro tơdroăng xôi, malối khu ki tong puât kơtong liăn drêng pin dế prôk hmâ trâm hlo đi đo a kơpong kơchơ tê mơdró kơmăng.

Kơnôm ai um ing camera séa ngăn xup ‘măn, vâ châ chât tơdroăng khu ‘mêi pro xôi luât hiăng châ hlo, [ă hlối châ rup pơxâu phâk

Klêi Vi [an bêng krâ ‘măn kơmăi camera séa ngăn, xup um, kơmăi tí tăng xup xo xêh a mâu troăng kơpho#, tung dế kơchơ ki tê a kơmăng, tơdroăng khu ‘mêi tong hơ’ve\ng tơmeăm khoăng hiăng kơdroh há. Kuăn pơlê hiăng hmiân tuăn pêi cheăng tê mơdró, tơmối troh ôm hyô xuân ôh tá xâu, préa vâi lơ tong puât liăn tung kơtong, hía tơmeăm khoăng.

‘’Á mơdró a kố hiăng to lâi hơnăm, tơdroăng khu ‘mêi tong puât xo liăn tung kơtong hdrối nah hlo hên ‘nâng. Mâu ki tong mê hmâ pro dêi tơná klêa kân dế mơ-êa klêi mê mot tung khu ki dế prôk pú hên choâ  puât xo liăn, tơmeăm, hlá mơ-éa ki kal, phôn râng ko\ng pro mâu tơmối ki troh ôm hyô dế prôk rôe tơmeăm chiâng ôh tá hmiân, hmôu tô tuăn xâu vâi lơ tong. Sap ing ai krâ ‘măn kơmăi camera séa ngăn, xup um hiăng tơniăn tâ iâ, ôh tá hlo ai xếo khu ‘mêi tong puât liăn xo tơmeăm khoăng, xua vâi xâu ai camera séa ngăn hlối xup um. Tơmối ki ôm hyô troh a kơchơ mơdró kơmăng nôkố hiăng hmiân ôh tá tô tuăn xếo, mâu ngế ki mơdró xuân môi tiah ngin há xuân ôh tá tô tuăn xâu lơ hía tơmeăm’’.

Mơ’nui troăng Quang Trung, kơpong ki achê [ă bêng Tân Tiến hdrối nah cho tíu ki hên ngế pâk chik ma tu\i. A kơmăng dế, mâu ki pâk chik ma tu\i hmâ tơku\m dêi rơpó ối rơtâ tá kơpong mê vâ pâk, chik.

Môi rôh tơxiăn dêi rơpó châ tơleăng klêi kơnôm ing ai kơmăi camera xup xo

Pôa Phạm Quốc Hùng, ối a mơ’nui troăng Quang Trung, bêng Thống Nhất ăm ‘nâi, sap ing ai krâ ‘măn kơmăi camera séa ngăn a kơpong kố, tơdroăng pâk chik ma tu\i hiăng kơdroh, kuăn pơlê hiăng châ ‘’kâ kơhiâm, koi hlâk le\m’’.

‘’Hdrối nah, kơxo ki lâi a riu koi xuân thế lo a ngiâ hngêi vâ ngăn. Kơpuih văng xok ki mâu ngế pâk chik hvât dêi trum a drô kơnâng hngêi, [ă hlối hvât tung plông hngêi á. Tâng ôh tá ngăn nhên, kơpuih văng ga rơ-iô khât xâu mâu vâi o, vâi muăn tro chuâ hblâk. Laga, drêng pơlê kong kơdrâm krâ ‘măn camera séa ngăn, xup um a go hơlâ troăng, mâu ngế pâk chik ôh tá khên tơku\m ối, xâu lơ tro camera xup xo um mê vâi ôh tá pâk chik xếo a tíu kố. Kuăn pơlê a kơpong kố hiăng châ kâ kơhiâm, koi hlâk le\m’’.

Thống Nhất cho bêng tơdế pơlê kong kơdrâm Buôn Ma Thuột, hên mâu tơdroăng tê mơdró ‘na ôu kâ, ai hên mơngế troh mot ôu kâ a kơmăng. Mâu khu ‘mêi đi đo rah tíu ki kí môi tiah kố vâ hriăn tăng tong tơmeăm, puât xo liăn tung kơtong, pro chiâng ai tơdroăng oh tá tơniăn.

Thie#u tă Nguyễn Đắc Linh, Kăn ko\ng an bêng Thống Nhất tối ăm ‘nâi, sap ing krâ ‘măn kơmăi camera, tíu pêi cheăng kố hiăng châ hlo hên hdrôh mâu ngế ki pro xôi luât, rup 2 ngế tong tơmeăm, tong rơxế hon-đa, puât kơtong liăn a kơpong kơchơ mơdró kơmăng kố, la nôkô oh tá hlo xếo.

Kơnôm krâ ‘măn camera xup um, tơdroăng a bêng Thống Nhất, pơlê kong kơdrâm Buôn Ma Thuột châ tơniăn tâ hdrối

Nếo achê kố, cho tơdroăng ki ai tơxiăn tơpâm dêi rơpó a troăng kân Điện Biên Phủ, kơnôm ai kơmăi camera xup um hiăng kum khu râ pơkuâ cheăng châ rup pơxâu phâk mâu ki ‘mêi.

‘’A troăng Điện Biên Phủ ai 2 tíu tê mơdró kơtôu vâ kluôp pá ro\ng phôn râng ko\ng, tơxiăn dêi rơpó. Ko\ng an bêng troh pêi cheăng, tung pơla tơleăng prế, tu\m péa pâ xuân kơnhing tối tơná tro, ôh tá chiu tối tơná xôi, ôh tá chiu tối tơná hiăng ‘nêk ngế ki tá hdrối, Mê ngin hiăng xo um ing camera xup vâ mơđah, mâu ki tê mơdró pák^ng mê hiăng mơhno ăm ngăn um ki xup ing Camera ăm mâu ngế ki tê mơdró [ă kuăn pơlê ki ối rơtâ tá ngăn hlo tíu tê mơdró ki pro xôi luât, xiăn ngế ki tá hdrối mê hiăng re\ng tơleăng mơnhên klêi hlối tơdroăng mê. Ing tơdroăng ki mê, kuăn pơlê tung pơlê kong kơdrâm hiăng vâi môi tuăn’’.

Jâ Trịnh Như Ngọc, Kăn hnê ngăn Vi [an bêng Thống Nhất, pơlê kong kơdrâm Buôn Ma Thuột ăm ‘nâi, kơmăi camera séa ngăn mê châ ‘măn ing mơ’nui hơnăm nah, [ă tâi tâng kơxo# liăn ‘no rôe vâ châ tơdế rơtal liăn Tung mê, ki hên xua mâu khu mơdró veăng tơlo, [ă liăn dêi kong pơlê veăng kum ăm iâ há. Kơmăi kố ai 48 to, krâ ‘măn séa ngăn a 25 tíu [ă drô troăng kơpho#, tung kơchơ mơdró a kơmăng, mâu tíu tơku\m pú hên, tíu ki hmâ hlo ai tơdroăng ôh tá tơniăn ‘na troăng prôk. Mâu camera mê châ krâ tơdjêp [ă môi to um ki kân LCD, ‘măn a veăng ki gâk ngăn dêi Ko\ng an bêng Thống Nhất.

Kơnôm ai kơmăi kố, mâu kăn [ă khu râ pơkuâ cheăng tơ’lêi hlâu tung tơdroăng séa ngăn kring vế tơniăn tung pơlê kong kơdrâm. Um ki châ xup ‘măn lôi tung pơla ton khế mê khu râ kơvâ cheăng châ ‘nâi ki xiâm vâ mơhno nhên drêng tơleăng chât hdroh khu tong tơmeăm khoăng, rup mâu ngế ki  pro xôi, tơleăng mâu tơdroăng tơklâm rơxế a troăng prôk. Jâ Trịnh Như Ngọc. Kăn hnê ngăn Vi [an bêng Thống Nhất ăm ‘nâi, tung la ngiâ kô kơbông krếo kuăn pơlê veăng to lo tơ’nôm liăn vâ po rơdâ tíu krâ ‘măn kơmăi séa ngăn:

‘’Vâ kâi pêi pro tơdroăng kố, ngin hiăng po hâi krếo kuăn pơlê tơku\m hôp vâ tâi tâng kuăn pơlê veăng môi tuăn [ă ngin. Ngin ối kal ai 700 rơtuh nếo, ki kố ngin kô mơhnhôk kuăn pơlê veăng tơlo dâng 6500 rơpâu liăn môi rơpo\ng, [ă dế xo liăn mâu rơpo\ng ki nâp. Ai tơdroăng ki sôk ro a hâi hôp mê hiăng ai hên rơpo\ng nâp liăn hlối, mê cho ki tơ’lêi hlâu kân ‘nâng. Ngin tơmiât kô krâ kơnăi camera séa ngăn rêm hâi  mơni mơ’nui khế 8 kố ah kô pro klêi’’.

Tiô tơdroăng ‘’Tơkêa pêi mơjiâng Buôn Ma Thuột kô chiâng pơlê kong kơdrâm ki rơkê ple\ng, krúa le\m [ă ngăn tiô túa nếo’’ a tâi tâng mâu cheăm, bêng xuân ai krâ kơmăi camera séa ngăn xup um vâ tơniăn. {ă tơdroăng pêi ki tơ-[rê rôh apoăng a bêng Thống Nhất, tung la ngiâ, Vi [an pơlê kong kơdrâm Buôn Ma Thuột, kong pơlê Dak Lak kô pơtối mơhnhôk tăng kơxo# liăn vâ rôe tơ’nôm kơmăi camera krâ ‘măn ăm séa ngăn. Ing mê, mơdêk tâ nếo tơdroăng cheăng lăm séa ngăn vâ kring gak tơniăn tung cheăm bêng, pơlê kong kơdrâm, hlối rak tơniăn drô troăng prôk tung pơlê kong kơdrâm.

Tuấn Long chêh

Gương tơplôu [ă tơbleăng