VOV4.Sêdang - Hâi lơ 6/10, a tơring Čư Mgar, kong pơlê Dak Lak ai 1 tíu hên ngế tro tâ COVID-19 tung kuăn pơlê. Mâu khu râ pơkuâ cheăng hiăng rĕng hdró kơpong tâ pơreăng. Tiô tối ăm ‘nâi, kơxo lơ 6/10, klêi khăm a hngêi pơkeăng Thiện Hạnh, Kơvâ ngăn pơkeăng châ ‘nâi 1 ngế yương tĭnh ƀă SARS COV2, cho jâ L.T.L, reh ối a thôn Phú Thành, cheăm Ea Drơng, tơring Čư Mgar.

Kring gak hngêi trung ƀă test rĕng mâu ngế ki ối achê

Klêi séa ngăn ƀă test rĕng mâu ngế F1, kơvâ ngăn pơkeăng Čư Mgar pơtối ‘nâi ai tơ’nôm 5 ngế nếo yương tĭnh ƀă  SARS -CoV 2, cho 4 ngế ki mơdró tung kơchơ Cuôr Đăng ƀă  1 ngế cho cháu jâ L. Ki rơhêng vâ tối cháu jâ mê dế hriâm a hngêi trung râ má môi Phan Bội Châu, cheăm Ea Drơng.

eăng hiăng test rĕng 200 ngế tơdjâk troh mâu ngế ki tâ tú

Tơdrêng tung kơxê măng lơ 6/10, mâu khu râ pơkuâ cheăng hiăng kring gak mâu kơpong rêh ối a mâu ngế ki nếo tối mê ƀă test rĕng ăm 200 ngế ki ối achê. Mơhé kong mêi kân la mâu khu râ pơkuâ cheăng hiăng tơrŭm ƀă hlối kring gak Hngêi trung Phan Bội Châu vâ hbrâ mơdât pơreăng lơ tâ tú.

Gương tơplôu ƀă tơbleăng