VOV4.Xơ Đăng - Kơxo lơ 2/12, Chin phuh po rôh hôp tiah hmâ khế 11/2021. Tơpui a rôh po rôh hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên, luâ vâ chê 2 khế pêi pro tơdroăng pơkâ 128/NQ-CP dêi Chin phuh hmâ rơkê tơniăn, hbrâ mơdât pơreăng, pin hiăng kâi hbrâ mơdât pơreăng tung lâp tơnêi têa; tơdroăng cheăng kâ rêh ối ai hên ki bâ eăng, tơtêk.

Tâ tá rôh hôp

Rôh hôp kố, Ngế pro xiâm hnê ngăn tơnêi têa pơkâ thế mâu ngế cheăng tung Chin phuh tơkŭm tuăn ngoâ rơkê vâ tơpui rơkê, tơpui tơdrăng tung mâu tơdroăng ki kal, tơkŭm tơpui ‘na tơdroăng cheăng kâ, rêh ối pơlê pơla khế 11 ƀă 11 khế hdrối, malối cho hnoăng cheăng hbrâ mơdât pơreăng ƀă ‘mâi mơnhông cheăng kâ; hbrâ ăm rôh hôp Chin phuh mơ’nui hơnăm, hbrâ ăm apoăng hơnăm ƀă tá hơnăm 2022.

Katarina Nga tơplôu ƀă tơbleăng