VOV4.Xơ Đăng - Pôa Vũ Đức Đam, Ngế pro xiâm phŏ hnê ngăn Chin phuh hiăng kĭ pơkâ inâi, hnoăng cheăng, troăng hơlâ mơnhông mâu hlá tơbeăng in ƀă hlá tơbeăng điê̆n tưh tơpui kâ tơnêi têa hneăng hơnăm 2022 -2030. Ki xiâm cho vâ mơjiâng hlá tơbeăng in Việt Nam News, hlá tơbeăng in Hlá tơbeăng Um Việt Nam ƀă Hlá tơbeăng Diê̆n tưh Việt NamPlus dêi Thŏng tâ̆n xah Việt Nam chiâng mâu hlá tơbeăng in ƀă hlá tơbeăng điê̆n tưh tơpui kâ tơnêi têa, pêi pro klêi hnoăng cheăng tối tơbleăng tơdroăng kal tơpui kâ tiô troăng hơlâ pơkâ dêi Đảng, luât dêi Tơnêi têa pin.

Hnoăng cheăng ƀă troăng hơlâ mơnhông mâu hlá tơbeăng in ƀă hlá tơbeăng điê̆n tưh tơpui kâ tơnêi têa hneăng hơnăm 2022 – 2030 cho mơdêk ‘na kơxô̆ ƀă ki rơkê plĕng tung tơbleăng tơdroăng kal. Ki nhên, cho mơdêk kơxô̆ ƀă ki rơkê plĕng tung tơpui kâ, tối tơbleăng tơdroăng kal rĕng, ai ivá hâk vâ ‘na tơdroăng dêi tơnêi têa ƀă kuăn mơngế Việt Nam. Ôh tá la lâi pơtê hơ’lêh nếo ‘na mâu tơdroăng ki kal, mơdêk kơxô̆ pro, ki rơkê plĕng dêi mâu chuyên trang, chuyên mục, chuyên đề tơtro.

Mơjiâng pro mâu tơdroăng tối tơbleăng tơdroăng kal tiô troăng hlá tơbeăng nếo, rơkê a tơdroăng cheăng kong ngĕ kơxô̆, tối tơbleăng tơdroăng kal a mâu trang măng pơlê pơla vâ kuăn pơlê châ pơchuât ngăn.

Katarina nga tơplôu ƀă tơbleăng