VOV4.Sêdang - Kơmăng lơ 28/9, Vi ƀan pơlê kong kân Đà Nẵng tơbleăng Pơkâ ‘na tơdroăng pêi pro mâu troăng ki kâi trâng tơniăn, rơkê, mơdât châ tơƀrê pơreăng COVID-19. Pơkâ kố tối 9 troăng hbrâ mơdât pơreăng tung rơxông nếo. Xiâm kối cho pơtối hlê plĕng pêi pro troăng pêi bêng, cheăm, kơpong kơphô̆, tôh kơphô̆ cho ‘’kơnâng tât ki xŏn’’, kuăn pơlê cho tíu xiâm, ki xiâm pơkâ châ tơƀrê tung hbrâ, mơdât pơreăng.

Ki rơhêng vâ tối, pơlê kong kơdrâm hlê plĕng ƀă tơkŭm pêi pro châ tơƀrê 6 pơkâ kâi trâng tơniăn, ƀeăn ƀĕng rơkê, mơdât châ tơƀrê pơreăng COVID-19 dêi Ngế pro xiâm hnê ngăn Chin phuh hnê mơhno. Vi ƀan pơlê kong kân Đà Nẵng pơkâ, ƀă rêm kơpong dế pêi pro klâ kơtăn lơ châ mơjiâng drêng ai ngế nếo tro tâ COVID-19 tung pơlê pơla: Pơtối pêi pro kơtăng troăng klâ kơtăn, ‘kơbố ối alâi ối amê’’.

Ƀă mâu kơpong ki ê, pơlê kong kân pơtối pơtân pơtê mâu tiú tê mơdró, tíu xah hêi, tíu rơnuâ pro lĕm ngiâ méa châ chăn, karaoke, massage, kuăn bar, tíu mơ’no um xinê, tíu tê mơdró xah Internet, (tíu pôe xâk, hum ko chiâng phêp pêi cheăng).

A Sa Ly tơplôu ƀă tơbleăng