Maluâ cho cheăm dêi tíu xiâm tơring Tuy Đức, kong pơlê Dak Nông la Dak Buk So ai tơdroăng cheăng pêi ôh tá tơ-[rê, ki hên kuăn pơlê rêh ối cheăng kâ cho pêi chiâk deăng. Hơnăm 2011, drêng pêi pro tơdroăng pơkâ mơjiâng thôn pơlê nếo, cheăm hiăng mơ-eăm hên ivá tung tơdroăng ki hơ’leh pêi cheăng kâ, mơjiâng pro hngêi trăng, troăng klông [ă pêi châ hên tơdroăng ki tơ-[rê.

Ki apoăng cho tơdroăng ki cheăm Dak Buk So hiăng pro kơdroh kơxo# kuăn pơlê rêh kâ ối tung tơdroăng pêi chiâk deăng. Cheăm hiăng krếo thế khu ki ‘no liăn mơjiâng pro hngêi trăng, troăng klông ki kal. Môi tiah Tíu xiâm tê mơdró cheăm Dak Buk So pơxiâm pêi cheăng – tê mơdró, rah xo mâu ngế pêi cheăng sap ing pêi chiâk deăng lăm pêi cheăng ki ê. Troh nôkố, Tíu xiâm tê mơdró cheăm Dak Buk So hiăng tơ’mot châ lối hr^ng ngế khu ki mơdró kâ, pêi pro tro tiô tơdroăng ki rơhêng vâ dêi kuăn pơlê ‘na tê mơdró kế tơmeăm.

Ôh ti xê to tơdroăng pơkâ pro kơchơ tung thôn pơlê [ă hên ivá mơ-eăm, troh nôkố, cheăm Dak Buk So hiăng pêi klêi 10/19 tơdroăng pơkâ mơjiâng thôn pơlê nếo. Mê cho mâu tơdroăng pơkâ môi tiah: Túa pơkâ [ă pêi pro túa pơkâ; hno têa, hngêi trung hriâm, tíu pơtroh kơthô; ai kơxo# ngế pêi cheăng đi đo. Tơdroăng ki pêi klêi mâu hnoăng pơkâ thôn pơlê nếo kố xuân môi tiah [ă tơdroăng ki mơjiâng pro hngêi trăng, troăng klông ki kal tung cheăm rế hía rế châ ‘no liăn mơjiâng pro klêi. Tơdroăng rêh ối liăn ngân, hiâm mơno dêi kuăn pơlê a Dak Buk So xuân châ mơdêk, veăng kum mơnhông tơdroăng cheăng kâ tung cheăm.

Sap ing pơxiâm pêi tơdroăng thôn pơlê nếo, cheăm Dak Buk So mơnhên pêi pro tiô pơkâ: ‘’Tơ’lêi pêi hdrối, xơpá pêi kơ’nâi’’. Klêi kơ’nâi hiăng pêi klêi tơdroăng ki tơ’lêi, mê cheăm trâm pá drêng pơtối tối tơbleăng mâu tơdroăng ki xơpá, môi tiah: pêi lo liăn, pro troăng prôk, pro hngêi ối [ă hên ki ê.

{ă tơdroăng pơkâ pro troăng prôk, tung pơla sap ing hơnăm 2011 – 2019, tâi tâng cheăm Dak Buk So hiăng ok [ê tong châ 55 km troăng prôk tung thôn pơlê, tôh chhá kơxu lối 7 km, pro troăng ok tơnêi hmốu 22,5 km. Laga, xua cheăm kân rơdâ, tơnêi tơníu ôh tá tơniăn, kuăn pơlê iâ êt [ă hên tơdroăng ki ê mê kơxo# troăng ki tôh chhá kơxu tung thôn pơlê iâ, vâi krâ nho\ng o trâm hên xơpá, tá hâi pêi châ tiô tơdroăng ki rơhêng vâ prôk lăm dêi kuăn pơlê.

Cheăm Dak Buk So ai lối 3.400 rơpo\ng, [ă 17 hdroâng kuăn ngo rơtế rêh ối tơdjuôm, tung mê hdroâng kuăn ngo a kố châ 9,6%. Ki hên cho hdroâng kuăn ngo rêh ối cheăng kâ cho pêi chiâk deăng, pêi tiô tơdroăng ki tơkôm hên tung mâu kế tơmeăm chiâng xêh. Xua mê, tơdroăng pơkâ pêi lo liăn cho tơdroăng pơkâ ki xơpá má môi [ă mâu cheăm. Tiô riân ngăn, hơnăm 2019, kơxo# rơpo\ng kơtiê dêi cheăm Dak Buk So châ 27,7%, rơpo\ng vâ chê kơtiê ai 5,7%. Kố cho ‘’kal vâ mơnhên’’ ki pro ăm Đảng [o# cheăm Dak Buk So ‘’châi ko’’ má môi vâ tí tăng rơkong tiâ mơnhên tung hneăng ki nếo kố.

Pôa Nguyễn Văn Anh, kăn pơkuâ ngăn Đảng, kăn hnê ngăn Vi [an cheăm Dak Buk So ăm ‘nâi, tung Hneăng hôp Đảng [o# cheăm nếo châ tơku\m po kơtăn kố tá hâi ton, cheăm pơkâ kô pêi klêi tơdroăng mơjiâng thôn pơlê nếo a hơnăm 2025. Vâ pêi châ tơdroăng pơkâ kố, cheăm ối ai hên tơdroăng cheăng athế pêi tung la ngiâ xuân xơpá khât. Tung la ngiâ ah, vâ pơkâ tơleăng mâu tơdroăng ki xơpá, cheăm Dak Buk So hiăng mơjiâng túa pơkâ ki nhên vâ kơjo um mơdêk mâu tơdroăng tơ’noăng mơjiâng pro, tê mơdró, mơnhông pêi chiâk deăng xúa kơmăi kơmok chal nếo, tơru\m kum dêi rơpó xut tah hrâ mơnguâ kơtiê xơpá. Ing mê, cheăm Dak Buk So rế hía rế mơ-eăm tung tơdroăng mơjiâng thôn pơlê nếo.

Pak^ng tơdroăng ki mơ-eăm, mơhnhôk, cheăm Dak Buk So xuân rơhêng vâ pơtối châ xo tơdroăng ki tơmâng ngăn to\ng kum sap ing mâu khu râ, kơvâ cheăng tung mơjiâng mâu tơdroăng pơkâ mơnhông mơdêk cheăng kâ, xing xoăng kơxo# liăn mơjiâng pro mâu kế tơmeăm ki pơxúa vâ kum cheăm re\ng pêi klêi tơdroăng pơkâ mơjiâng thôn pơlê nếo.

Hlá tơbeăng Dak Nông

Katarina Nga tơplôu [ă tơbleăng