VOV4.Sêdang - Sap a poăng hơnăm troh nôkố, a Dak Lak hiăng ai lối 800 hdroh ngế tong, xúa mơ’no on tơhrik ôh tá tro luât, pro lu\p 110 rơtuh liăn. Tiô Ko\ng ti ngăn on tơhrik Dak Lak tối tung 6 khế hiăng luâ, tung kong pơlê hiăng ai 790 hdrôh ngế pro xôi luât tong, tơ’môe, xúa on tơhrik xôi luât, hmâ hlo vâi tong tơ’môe tơdjêp xo xêh on tơhrik pá hdrối Công-tơ, krâ chíp đie#n tưh pro ôh tá tro chôu on tơhrik kơtâu [ă mâu tơdroăng hle\ng pro ôh tă tơdrăng ki ê.

Tâi tâng kơxo# on tâk vâ chê 63 rơpâu kWh, tơ’mô dâng 110 rơtuh liăn. Mâu tơdroăng ki tong tơ’môe xo on tơhrik ki hên hlo a mâu kơpong pêi chiâk deăng, kơpong ki hơngế ing tíu kuăn pơlê ối, mâu ki krâ chíp pro hơ’lêh ăm chôu on tơhrik kơtâu hmâ hlo a mâu tíu pêi chiâk deăng tung kơpong, kơmăi kơmok.

Krâ ko\ng ti đie#n tưh cho môi troăng hơlâ pêi pro hbrâ mơdât mâu ki tong tơ’môe on tơhrik dêi On tơhrik Dak Lak.

Ko\ng ti ngăn on tơhrik Dak Lak ăm ‘nâi, vâ kơdroh tơdroăng kố, khu pêi cheăng thâ tơbleăng hên troăng hơlâ pêi cheăng, tung mê tơmâng ngăn khât troh tơdroăng hnê tối, mơhnhôk kuăn pơlê xúa tơdrăng on tơhrik. Pôa Lê Hoài Nhơn, kăn pho\ pơkuâ Ko\ng ti ngăn on tơhrik Dak Lak ăm ‘nâi:

‘’Má môi, ngin pro ko\ng tơ on tơhrik vâ séa ngăn ing hơngế vâ châ ‘nâi vê hdró ai kơxo# ki ôh tá tro ai drêng tâk drêng chu mê ngin cho mâu ngế ki troh lăm séa ngăn, vâ châ ‘nâi tơdroăng ki tong.

Má 2, hnê tối đi đo troh kuăn pơlê ‘na tơdroăng hbrâ mơdât tong on tơhrik, [ă mâu ngế pro xôi kô tro pơxâu phâk thế chiu môi tiah lâi vâ kuăn pơlê ‘nâi’’.

Gương tơplôu [ă tơbleăng