VOV4.Sêdang - Drêng troh Têt Trung thu, Khu xiâm ngăn cheăng pêi mố đô̆i rong ƀă  pơlê pơla kong pơlê Dak Lak tơrŭm ƀă Khu pơkuâ ngăn Đoân droh rơtăm kong pơlê ƀă Vi ƀan tơring Krông Bông tơkŭm po tơdroăng Trung thu ăm o a cheăm Čư Pui, tơring Krông Bông.

Ƀă tơdroăng pơxá rơtế hơlêm, mơhnhôk vâi o, tơtế veăng pêi pro tơkâ luâ pơreăng kân, tung tơdroăng  mê Khu tơkŭm po hiăng diâp ăm 200 kơxu tơmeăm, 5 toăng rơxế mái, 5 to kơ ƀăng hriâm, 35 hnoăng liăn (rêm hnoăng 1 rơtuh liăn) ƀă 8 hnoăng liăn mê kum pơtối mơhnhôk hriâm tung pơla 1 hơnăm ƀă kơlo liăn kum ăm 300 rơpâu liăn/khế môi ngế ăm vâi o ki kơtiê xơpá a mâu cheăm dêi tơring Krông Bông.

Hbru rơxế mái ăm vâi o

Vâ rak tơniăn hbrâ mơdât pơreăng mê bú ai iâ mâu ngế vâi o teăng mâ lăm xo tơmeăm hbru ăm ƀă liăn mơhnhôk hriâm dêi tơdroăng mê, kơxô̆ ki u ối  kô ăm tơring cheăm pơtrroh ăm tơná mâu vâi o.

Gương tơplôu ƀă tơbleăng