Ai lối 900 ngế hok tro hiăng chêh dêi inâi tơ’noăng râ má 3 phôh thong tơnêi têa hơnăm kố, hngêi trung râ má 3 phôh thong Buôn Ma Thuột, pơlê kong kơdrâm Buôn Ma Thuột cho hngêi trung ki ai kơdrâm má môi tung kong pơlê ki ai hok tro chêh inâi vâ tơ’noăng.

Dế kố ai 75% kơxo# hok tro dêi hngêi trung kố hiăng chêh inâi vâ ăm hngêi trung ngăn điêm vâ mot hriâm a mâu hngêi trung đăi hok, kao đăng ‘na kơvâ khoa học tự nhiên.

Xua ti mê, sap apoăng khế 3 hngêi trung hiăng tối tơbleăng mâu [ai ki kal vâ ăm hok tro hriâm i ‘nâi, rơkê khât. {ok thái hnê chư Phạm Văn Sinh, Kăn pho\ pơkuâ ngăn hngêi trụng râ má 3 phôh thong {uôn Ma Thuột, tối:

 ‘’Ki kal má môi dêi hngêi trung tung hneăng hriâm 2016-2017 mâu vâi o hiăng rah kơvâ khoa học tự nhiên hên luâ tâ kơvâ khoa học xã hội, xua mê, tơdroăng ki ăm thế vâi o hok tro hlê ple\ng nhên dêi hneăng tơ’noăng a tơrêm môn ki phá xêh, xua mê khu pơkuâ ngăn hngêi trung xuân hiăng mơjiâng troăng hơlâ hnê hriâm ai hơ’lêh phá tiô túa nếo tung hnê [ă hriâm, ăm ga tơtro [ă rêm môn, tơxâng [ă tơdroăng ki ‘nâi hlê dêi mâu hok tro [ă tơdroăng ki ai păng ‘nâng dêi hngêi trung. Ing mê, rế hnê tối rế ăm hok tro chêh pro [ai rế tơ’noăng trắc nghiệm há vâ hok tro rơbot i nhên, hlê ple\ng i trâu vâ troh a hâi tơ’noăng mơgêi râ má 3 ah vâi kố châ điêm hên’’.

Hok tro lâm 12 Hngêi trung râ má pái phôh thong Hai Bà Ttrưng, pơlê kong krâm {uôn Hồ, Dak Lak tung chôu tơ’noăng

O Trần Bùi Yến Nhi, hok tro lâm 12A6, hngêi trung râ má pái phôh thong }ư\ Mgar, tơring }ư\ Mgar, kong pơlê Dak Lak tối ăm ‘nâi, vâ hbrâ le\m tro ăm hneăng tơ’noăng, Nhi rơtế [ă mâu vâi pú dêi tơná hiăng tí tăng ‘nâi nhên ‘na tơdroăng ki nếo ai ‘na túa pơkâ ăm hneăng tơ’noăng, túa ki mơ’no ko [ai [ă hên mâu ko [ai ki hdrối mê hía nah hiăng kum ăm hok tro vâ ngăn, pơchuât, rơbot.

Troh a chôu phut kố, tơdroăng ki hriâm dêi mâu vâi o hok tro hiăng vâ klêi. Tâi tâng mâu vâi o pơrá hiăng châ hnê tối nhên [ă hiăng rơbot hên mâu [ai ki hiăng châ hriâm, kô tơngah chiâng vâ pro [ai a hneăng tơ’noăng la ngiâ.

‘’Hneăng tơ’noăng râ má pái phôh thong tơnêi têa ai tơdroăng ki hơ’lêh nếo, mê ngin xuân hiăng hriâm, rơbot hên tơdroăng. Ki má môi, ngin athế tí tăng ‘nâi nhên ‘na tơdroăng ki nếo ai, á hiăng tí tăng ngăn hên tung internet [ă hlo ai hên tơdroăng kal athế ‘nâi nhên, Khu kăn xiâm ngăn ‘na hnê hriâm [ă hnê mơjiâng tơdroăng rơkê xuân hiăng pơtroh hên tơdroăng.

 ‘Na tơ’noăng trắc nghiệm ga ai hên túa, ga ôh tá xê môi tiah [ai ki pin chêh pro dêi, [ă bú ai to mâu tơdroăng ki hiăng hriâm a hlá mơ-éa lâm 12, xua mê, ngin athế hriâm xo tung hlá mơ-éa hriâm mê hên tâ’’.

{ă hngêi trung râ má pái phôh thong kuăn ngo Nơ Trang Lơng, pơlê kong kơdrâm Buôn Ma Thuột, vâ kum ăm hok tro hmâ [ă túa tơ’noăng ki nếo, hngêi trung hiăng tơku\m po môi hdroh hneăng tơ’noăng mơnúa vâ mơnhên ngăn ki rơkê dêi hok tro.

Ai túa ki hnê ăm tơrêm ngế ki tá hâi rơkê. Tung hneăng tơ’noăng a roh má 2 kố nah, hngêi trung hiăng ăm hok tro tơ’noăng mơnúa râ má 3 phôh thong tơnêi têa, vâ kum ăm hok tro hmâ [ă ko [ai tơ’noăng ki nếo, xuân xo điêm ki mê vâ tơ’nôm ăm mâu môn hriâm plâ hơnăm.

Troh nôkố tâi tâng hok tro dêi hngêi trung hiăng ‘nâi ki xiâm túa pro [ai vâ hbrâ ăm hneăng ki tơ’noăng păng ‘nâng. {ok thái Bùi Xuân Lễ, Kăn pho\ pơkuâ ngăn hngêi trung râ má pái phôh thong kuăn ngo Nơ Trang Lơng, pơlê kong kơdrâm {uôn Ma Thuột, tối ăm ‘nâi:

‘’Ing tơdroăng ki pơkâ thế dêi Khu kăn pơkuâ ngăn ‘na hnê hriâm [ă hnê mơjiâng tơdroăng rơkê kong pơlê tung tơku\m po hneăng mơnúa roh má 2 [ă ăm mâu vâi o hmâ [ă túa ki tơ’noăng râ má pái phôh thong tơnêi têa mê hngêi trung hiăng po hneăng mơnúa roh má 2 [ă hnối po túa tơ’noăng mơnúa ahdrối hneăng tơ’noăng râ má pái phôh thong, ngin hiăng klâ ăm túa tơ’noăng tiô kơvâ ki chêh tối [ă trắc nghiệm tiô tơdroăng pơkâ dêi Kăn xiâm ngăn ‘na hnê hriâm [ă hnê mơjiâng tơdroăng rơkê. Klêi kơ’nâi tơ’noăng ngin hlo hok tro ôh tá pá ki klâi tung tơdroăng pro [ai trắc nghiệm’’.

Hneăng tơ’noăng râ má pái phôh thong tơnêi têa hơnăm kố, a kong pơlê Dak Lak ai 1 Ho#i đông tơ’noăng [ă 43 tíu tơ’noăng. ‘Na kơxo# hok tro veăng tơnoăng ai 22 rơpâu 390 ngế.

Tung mê, lối 5 rơpâu ngế cho hdroâng kuăn ngo. Dế nôkố, mâu hngêi trung râ má 3 phôh thông xuân dế tơku\m ăm hok tro lâm 12 hriâm tơbâ mâu tơdroăng ki hiăng châ hriâm. Tơdroăng ki hriâm tơbâ kố kô klêi ahdrối hneăng tơ’noăng râ má pái phôh thong ai 1 pơla mat^ng ngăn tiô tuăn mơno pói vâ dêi hok tro.

Hương Lý chêh

Nhat Lisa tơplôu [ă tơbleăng