Tíu tơ’noăng cho hngêi trung râ má pái Cao Bá Quát, pơlê kong kơdrâm {uôn Ma Thuột ai 480 ngế hok tro tơ’noăng. Sap ing apoăng khế 8, hngêi trung hiăng pêi klêi mâu tơdroăng ki pơkâ thế ai tơdjâk troh rôh tơ’noăng râ má pái phôh thong hơnăm 2020. Laga, xua ôh tá tơniăn dêi pơreăng Covid-19, mâu hok tro a tíu tơ’noăng kố athế tơkôm tơ’noăng rôh má 2.

Pôa Lê Văn Kiệt, kăn pơkuâ hngêi trung kố ăm ‘nâi: 

‘’Krê ‘na hbrâ mơdât pơreăng hiăng tối tơbleăng kơtăng khât, mot tung bo cheăng hngêi trung athế séa ngăn ki tô a châ, athế truâ kên pâng môh rơkong ối tung lâm tơ’noăng [ă hdrối vâ mot tung lâm tơ’noăng xuân athế jíu ko\ng [ă têa kơdê pơreăng, nôkố hngêi trung hiăng hbrâ rơnáu tu\m ‘na kơmăi ki vê ngăn ki tô a châ, mâu túa pơkeăng kơdê pơreăng [ă kơ-[o\ng jíu ko\ng a mâu tíu ki lăm mơdrah xuân môi tiah a péa vâ mot tung lâm tơ’noăng. Rak tơniăn ăm tâi tâng mâu vâi o tung rôh tơ’noăng’’.

A tíu tơ’noăng hngêi trung râ má pái chuyên Nguyễn Du, pơlê kong kơdrâm {uôn Ma Thuột, tíu ki ai vâ chê 700 ngế hok tro, hnoăng cheăng rak tơniăn tuăn hiâm ăm hok tro hmiân tuăn tơ’noăng rôh má 2 châ hngêi trung tơmâng ngăn khât. Thái cô đi đo tơpui [ă nôu pâ hok tro vâ mơhnhôk hiâm mơno [ă kum mâu vâi o rơbot [ai, ‘mâi mơnhông tơ’noăng mâu tơdroăng ki vâ tơ’noăng.

Pôa Nguyễn Đăng Bồng, kăn pơkuâ hngêi trung râ má pái chuyên Nguyễn Du tối nhên:

‘’Rơhêng vâ tơdjuôm dêi mâu nôu, pâ [ă hok tro cho châ tơ’noăng rôh má 1 rơtế [ă mâu hok tro tơ’noăng tung lâp tơnêi, laga xua tơdroăng ki klâ ối krê pơlê pơla dêi Vi [an hnê ngăn kong pơlê Dak Lak hngêi trung hiăng ai mâu tơdroăng ki mơhnhôk vâ mâu vâi o hmiân tuăn tơ’noăng rôh má 2. Hneăng tơ’noăng rôh má 2 kố hngêi trung hbrâ nhên ăm hneăng tơ’noăng. ‘Na peăng hok tro tá tuăn hiâm, [ă tá tơdroăng ki rêh ối vâ tơ’noăng. ‘Na mâu lâm tơ’noăng rak tơniăn gak kring hbrâ rơnáu ăm rôh tơ’noăng’’.

Rôh tơ’noăng râ má pái phôh thong rôh má 2 hơnăm 2020 lâp tơnêi têa ai 26 rơpâu ngế hok tro dêi 27 to kong pơlê, pơlê kong kơdrâm ki tá hâi châ tơ’noăng tung rôh tơ’noăng rôh má 1 xua tơdjâk dêi pơreăng Covid-19 kô tơ’noăng tung rôh kố. Xua mâu kong pơlê ki achê ai kơxo# ngế hok tro tơ’noăng ôh tá hên mê Khu xiâm ngăn hnê hriâm [ă hnê mơjiâng tuăn ngoâ rơkê tiô tối hdrối kô ăm mâu hok tro kố tơ’noăng tơdjuôm [ă Ho#i đong tơ’noăng a Dak Lak.

Xua mê, vâ hbrâ rơnáu tung hnoăng cheăng tơku\m po tơ’noăng, jâ H’Yim Kđoh, kăn pho\ hnê ngăn Vi [an kong pơlê Dak Lak ăm ‘nâi:

‘’Nôkố peăng Khu ngăn hnê hriâm [ă hnê mơjiâng tuăn ngoâ rơkê xuân hiăng ai tơdroăng ki hbrâ rơnáu tro tâi tâng mâu túa pơkâ hbrâ. Tung mê ai tơdroăng ki hbrâ rơnáu túa pơkâ tâng ai hok tro ki lâi ‘lo a mâu kong pơlê ki ê troh a Dak Lak tơ’noăng rôh má 2 mê Khu ngăn hnê hriâm [ă hnê mơjiâng tuăn ngoâ rơkê xuân môi tiah kăn [o# ăm hok tro ki mê troh veăng tơ’noăng.

Tâng ai tơdroăng klâi ‘lo kal to\ng kum ‘na liăn ngân, rơxế chơ mê khu hnê mơhno tơ’noăng a Dak Lak kô kum [ă pro tơ’lêi hlâu má môi ăm hok tro ki mê’’.

Hương Lý chêh

Katarina Nga tơplôu [ă tơbleăng