Hơnăm 2020- 2021, Hngêi trung mauh yăo Sơn Ca, cheăm Hòa Sơn, tơring Krông Bông, kong pơlê Dak Lak tơdah 270 ngế hok tro. Xua mâu hriâm mauh yăo mê vâi ối ku\n ai mâu hiăng kân xuân ai mê vâi hâi hlê ki klâi tơdroăng hbrâ mơdât pơreăng. Kố cho môi tung mâu tơdroăng ki xahpá dêi hngêi trung drêng mot hơnăm hriâm nếo dế vâ chê troh.

Dak Lak hbrâ ăm hơnăm hriâm nếo

Jâ Phạm Thị Mười, Ngế xiâm pơkuâ hngêi trung mauh yăo Sơn Ca ăm ‘nâi, hdrối vâ tơdah hok tro mot hriâm, hngêi trung hiăng thế tâi tâng mâu kăn [o#, mâu cô tơru\m [ă mâu thái pơkeăng a cheăm bêng mơgrúa krúa hngêi trung, xôh pơkeăng kơdê pơreăng a mâu kơ[ăng tăng, tơmeăm xah hêi, tơmeăm xúa hriâm [ă tung kơdrum hngêi trung vâ tơniăn ăm le\m hyôh tâ tá hdrối vâ mot hơnăm hriâm nếo.

‘’Hơnăm hriâm nếo kố ai tơ’nôm 1 tơdroăng cheăng nếo cho hbrâ mơdât pơreăng Covid-19 [ă pơreăng êi rơtốu krôk. Ngin hiăng tơbleăng mâu tơdroăng hbrâ mơdât pơreăng, hbrâ kơmăi khăm ngăn  drêng troh a bo cheăng hngêi trung, xếo ko\ng [ă têa pơkeăng [ă pêi pro 6 tơdroăng vâ hbrâ mơdât pơreăng’’.

Mâu cô hngêi trung mầm non Sơn Ca, cheăm Hòa Sơn, tơring Krông Bông, kong pơlê Dak Lak mơgrúa hngêi trung vâ mot hơnăm hriâm nếo

Riân troh hâi lơ 31/8, Dak Lak 2 ngế tâ pơreăng Covid-19 dế pơlât [ă 39 ngế êi krôk. Krông Bông cho tơring ki ai hên ngế tro má môi ai 17 ngế. Vâ hbrâ mot hơnăm hriâm nếo, pak^ng ‘no liăn rôe tơmeăm khoăng, kơ[ăng tăng, hlá mơ-éa hriâm, tơmeăm hnê hriâm  [ă tâi tâng kơxo# liăn dâng 20 rơtuh liăn, kơvâ ngăn hnê hriâm [ă hnê mơjiâng tuăn ngôa rơkê dêi tơring Krông Bông xuân tơru\m [ă kơvâ ngăn pơkeăng mơdêk hbrâ mơdât pơreăng Covid-19 [ă pơreăng êi rơtốu krôk.

Pôa Lê Xuân Quý, Ngế xiâm ngăn hnê hriâm [ă hnê mơjiâng tuăn ngôa rơkê tơring Krông Bông, kong pơlê Dak Lak tối ăm ‘nâi:

‘’{ơrô ngăn hnê hriâm [ă hnê mơjiâng tuăn ngôa rơkê tơring hiăng tí tăng ‘nâi ple\ng ăm Vi [an hnê ngăn tơring hnê mơhno ăm mâu thái pơkeăng tơru\m [ă hngêi trung veăng mơgrúa xôh pơkeăng tâi tâng tung hngêi trung. Tơdrêng amê, mâu hngêi trung xuân hbrâ rơnáu pro tíu vâ xôh pơkeăng, xếo ko\ng [ă hnê tối ăm mâu nôu pâ  [ă mâu hok tro ‘na tơdroăng hbrâ mơdât pơreăng ki dế tâ tú’’.

Xua tơdjâk dêi pơreăng Covid-19, hneăng tơ’noăng mơgêi hriâm râ má pái phôh thong a Dak Lak klâ 2 rôh, rôh má 1 sap hâi lơ 8 troh 10 khế 8, lối 14 rơpâu ngế hok tro dêi 23 tơring, pơlê kong krâm veăng tơ’noăng. Ối lối 5 rơpâu 400 ngế hok tro a pơlê kong kơdrâm {uôn Ma Thuột [ă hok tro F1, F2 tơ’noăng a hâi lơ 3 troh lơ 4 khế 9. Tơdroăng kố xuân pro chiâng tơvâ tơvân troh mâu hngêi trung râ má pái phôh thong xua hiăng achê hâi mot hơnăm hriâm nếo lơ 5/9, kơ’nâi hâi tơ’noăng mơgêi hriâm râ má pái rôh má 1 ai môi hâi. \

La vâ mot hâi mot hơnăm hriâm nếo cho hâi leh kân vâi o troh hngêi trung, Thái Nguyễn Đăng Bồng, Ngế xiâm pơkuâ hngêi trung râ má pái phôh thong chuyên Nguyễn Du, pơlê kong kơdrâm {uôn Ma Thuột tối ăm ‘nâi:

‘’Tiô pơkâ hơnăm hriâm nếo xua kong pơlê pơkâ, lơ 1.9 mâu vâi o troh a hngêi trung, hâi lơ 5/9 hâi leh mot hơnăm hriâm nếo. Laga, pơkâ dêi Khu xiâm cho hâi lơ 3 troh lơ 4 khế 8 tơ’noăng mơgêi râ má pái phôh thong rôh ki má 2, mê hngêi trung kô tơvâ tơvân hên tơdroăng mê. La hngêi trung tí tăng ‘nâi ple\ng x^ng xoăng nếo pro ti lâi ăm tơtro [ă tơdroăng nôkố. Ngin hiăng ăm mâu vâi o troh hngêi trung a kong xêi lơ 1/9 mơgrúa le\m hngêi trung [ă kơxo lơ 5/9 mâu vâi o lăm troh a hngêi trung vâ leh mot hơnăm hriâm nếo’’.

Hơnăm hriâm 2020- 2021, kong pơlê Dak Lak ‘no lối 430 rơtal liăn vâ mơjiâng, ‘mâi rơnêu pro mâu hngêi trung, rôe tơmeăm hnê hriâm rêm râ [ă ai tiô tơdroăng tơbleăng dêi tơdroăng hnê phôh thong ki nếo. Hơnăm hriâm kố, kơvâ ngăn hnê hriâm Dak Lak hiăng ‘nâi nhên Covid-19 ối ta tú rơ-iô, xua mê, tơdroăng hnê [ă hriâm tơchoâm [ă pơreăng cho tơdroăng ki ôh tá chiâng ví. Xua mê, tâi tâng kơvâ  cheăng kô hnê tối hlối hbrâ mơdât pơreăng vâ châ tơ-[rê ngăn tiô kơ tơdroăng, hbrâ mâu tơmeăm khoăng vâ mơdât pơreăng đi đo, hok tro [ă nôu pâ hok tro thế veăng tơru\m.

Krê ‘na hâi leh mot hơnăm hriâm nếo, pôa Phạm Đăng Khoa, Ngế ngăn ‘na hnê hriâm [ă hnê mơjiâng tuăn ngôa rơkê kong pơlê Dak Lak ăm ‘nâi, troh nôkố hiăng châ tơbleăng tiô pơkâ, tro troăng hơlâ vâ hâi leh mot hơnăm hriâm nếo lơ 5/9 châ tơniăn le\m.

‘’Ngin hiăng ai mâu hlá mơ-éa chêh hnê pơtroh ăm hngêi trung thế veăng kơhnâ hbrâ mơdât pơreăng ăm mâu hok tro ki troh hngêi trung. Môi tiah tơdroăng tơku\m x^ng xoăng lâm môi tiah lâi, mơgrúa hngêi trung lâm hriâm môi tiah lâi cho tung pơla dé tâ tú pơreăng nôkố dế cho tơdroăng tơchoâm kal tơku\m tơmâng khât. Hbrâ mot hơnăm hriâm nếo pro ăm gá iâ tê tung pơla 60 phut la tu\m têk pro ăm vâi o phiu ro tơxâng cho hâi leh mot hơnăm hriâm nếo dêi vâi o’’.

{ă tơdroăng hbrâ rơnáu, kơvâ ngăn hnê hriâm [ă hnê tuăn ngôa rơkê kong pơlê Dak Lak hiăng hbrâ mâu tơdroăng vâ mot hơnăm hriâm nếo. Mâu hngêi trung hiăng hbrâ tơdah hok tro mot tung hơnăm hriâm nếo [ă tung hiâm mơno hâk ro hên tơdroăng ki hơniâp, púi vâ châ tơ-[rê hên tung tơdroăng hnê [ă hriâm.

Hương Lý chêh

Gương tơplôu [ă tơbleăng