VOV4.Xơ Đăng - Kơxo lơ  16/12,  ƀok thái pơkeăng Trần Thuận, Ngế pơkuâ Hngêi pơkeăng tơring Krông Ƀuk ăm ‘nâi, tung tơring nếo ai 5  ngế hok tro a 3 to hngêi trung yương tĭnh ƀă SARS-CoV-2, tung mê ai 3 ngế hok tro hiăng khăm ngăn RT- PCR ăm ‘nâi yương tĭnh ƀă SARS-CoV-2. 2 ngế hok tro ki ê dế tơkôm khăm ngăn vâ ‘nâi nhên.

Kơvâ khăm pơlât thâ test rĕng ăm mâu ngế ki ối achê

Hlo tơdroăng pơreăng tâ tú rơ-iô, Hngêi pơkeăng tơring Krông Ƀuk hiăng rê̆ng séa ngăn tăng, khăm 300 ngế hok tro ƀă thái cô ki ối achê ƀă mâu vâi o hok tro tung tơring. Ăm ‘nâi klêi test rĕng xuâ hlo âm tĭnh ƀă SARS-CoV-2. Nôkố 3 to hngêi trung ki tối ai hok tro tâ COVID-19 hiăng pơtê hriâm a hngêi trung. Krê mâu vâi o ki F1 hiăng châ hngêi trung tơrŭm ƀă hngêi pơkeăng tơring ăm klâ krê a hngêi hlối ai nôu pâ vâi ngăn dêi.

Gương tơplôu ƀă tơbleăng