VOV4.Sêdang - Koh tơbâ 65 hơnăm hâi mơjiâng khu droh rơtăm Việt Nam lơ 15/10. Khu ngăn droh rơtăm Việt Nam kong pơlê Dak Lak hiăng mơhnhôk tơ’noăng ƀă tơdroăng pêi nhên khât, tơtro tiô tơdroăng rêh ối ƀă dế ai pơreăng a rêm râ khu. Ƀă râ kong pơlê, tơdroăng á pâ tơnêi têa á   hiăng diâp ăm 10 toăng hngêi tuăn pâ, pro 9 to plông peăng ƀa long, 3 tơmeăm khoăng drô troăng kơphô̆, pêt lối 25 rơpâu xiâm loăng drêh.

Droh rơtăm kong pơlê Dak Lak diâp chât rơpâu kơxu tơmeăm tŏng kum

 Tơdrêng amê, Khu pơkuâ ngăn droh rơtăm kong pơlê xuân diâp 100 rơpâu liăn pơxiâm pêi cheăng ăm mâu hdroh rơtăm, mâu hơnăm ối nếo ki pơxiâm pêi cheăng, ăm lối 28 rơpâu kơxu tơmeăm ƀă kơxu pơkeăng ăm mo lĕm châ ing tơdroăng “Rơtuh tơdrong tơmeăm mo lĕm châ”  xua khu xiâm Đoân mơhnhôk.

Rêm râ khu xiâm xuân ai hên túa pêi pro ki tro, ‘mâi hơ’lêh, tơdroăng tơkŭm po tơdrêng môi tiah: hneăng tơ’noăng rơkong hơdruê ƀă nâl Ănglê, Hneăng hôp pơxiâm pêi cheăng tê mơdró pơ’lêh nếo hriĕn plĕng ki nếo ăm mâu hơnăm ối nếo, tơdroăng “ Mâu hvêa chêng prôk xua kuăn pơlê” ƀă “rêm ngế droh rơtăm hơnăm ối nếo môi kơxop hlá mơ-éa pro pú hmâ”....ƀă hiá hé.

Gương tơplôu ƀă tơbleăng