VOV4.Sêdang - A tơring Ea Kar, kong pơlê Dak Lak hiăng tơku\m po Leh tối tơbleăng tơdroăng ki hnê klê têa ôh tá xo liăn ăm hok tro tung pơla pơtê hriâm hơnăm 2018.

Tơdroăng hnê klê têa ôh tá xo liăn ăm lối 1 rơpâu ngế hok tro ki xơpá hriâm râ má môi [ă râ má 2, ối tung mâu rơpo\ng ki ai troăng hơlâ to\ng kum dêi 8 tơring, pơlê kong krâm, pơlê kong kơdrâm dêi kong pơlê Dak Lak.

Dak Lak: Hnê klê têa ôh tá xo liăn

Tung vâ chê 2 khế, mâu vâi o kô châ hriâm 2 rôh lý thuyết [ă 12 rôh hriâm klê ‘na kih thua#t tung têa, túa klê, túa ki hbrâ ví trâm xía vâ xua lơ tro klâk têa, túa to\ng xo mơngế ki klâk têa.

Mâu tơdroăng mê cho vâ hbrâ rơnáu tơdroăng rak ngăn dêi châ ăm mâu vâi o, kơdroh tơdroăng ki trâm xía vâ ‘na klâk têa a hok tro tung kong pơlê.

Katarina Nga tơplôu [ă tơbleăng