VOV4. Xơ Đăng -  Kơxo lơ (15/12), a pơlê kong kơdrâm Ƀuôn Ma Thuột, Vi ƀan kong pơlê Dak Lak ƀă khu tơrŭm ngăn kuăn kiâ châu Á  hiăng tơkŭm kĭ tơhrâ ‘na tơdroăng hơ’lêh mơjiâng túa ôm hyô ki hmâ ƀă rui. Tiô tơhrâ tơrŭm cheăng, kong pơlê Dak lak kô kơdroh hên, la ngiâ ôh ta tơkŭm pêi mâu tơdroăng ki tơdjâk troh pơxúa ăm rui hngêi tá tơdroăng: Ôm hyô ki to rui; mâu tơdroăng leh tơ’noăng ăm rui klê têa, rui kơtu ƀalong, rui  tơ’noăng kơtâu, rui hrot kơxái, rui prôk pơtăng drô troăng tung hên chôu a troăng kơxu lơ a tíu ƀê tong, lơ xúa rui tơbâ tơdroăng lăm lúa kuăn kiâ kong ƀă tơdroăng ăm rui pro rui hngêi.

Dak Lak hơ’lêh mơjiâng túa ôm hyô hơniâp ro ƀă rui

Vi ƀan kong pơlê Dak Lak xuân pro tơ’lêi hlâu ăm khu tơrŭm cheăng ngăn kuăn kiâ châu Á  ‘măn kơdĭng liăn a kong pơlê tro tiô pơkâ dêi Luât, pơcháu ăm Khu xiâm ngăn ‘na pêi chiâk ƀă mơnhông thôn pơlê pro kơ koan ki xiâm chiu pôu râng mâu tơdroăng hlối tơrŭm ƀă khu ngăn kuăn kiâ châu Á ƀă mâu tíu pêi cheăng ai tơdjâk troh rơtế ƀă mâu rơpŏng păn rui vâ mơjiâng ƀă pê klêi troăng rơhlâ, túa ôm hyô ki hmâ ƀă rui, pơtroh ăm râ kơpêng kĭ hdrối vâ tơbleăng pêi pro.

Gương tơplôu ƀă tơbleăng