Hên hơnăm hiăng luâ hdrối mê hía nah, rơpo\ng Nguyễn Văn Lâm, ối a thôn 2A, cheăm Ea Wy xuân ối đi đo trâm pá puât xua ôh tá bê tơnêi pêi chiâk pêi deăng. Rêm tơdroăng cheăng tung rơpo\ng hngêi ki hên kơnôm to kơxo# liăn lăm tăng cheăng pêi ăm vâi, mê tơdroăng rêh kâ ối đi đo trâm hên xahpá.

Ro kơdrâi xua Đoân Droh rơtăm cheăm Ea Wy bruô ăm ngoh Nguyễn Văn Lâm hiăng xiu vâ chê ai kuăn

Drêng hlo tơdroăng ki pá puât dêi rơpo\ng ngoh Lâm, mê Đoân Droh rơtăm cheăm Ea Wy hiăng bruô 2 to ro hdrê kơnâ lối 10 rơtuh liăn kum rơpo\ng ki kố re\ng tơniăn tơdroăng rêh kâ ối. Ngoh Lâm tối ăm ‘nâi, hâi ki châ xo ro mê nah rơpo\ng ngoh hâk phiu ‘nâng, tơdroăng hơniâp ro mê ối hên luâ tâ kơ mê drêng ro kơdrâi mê hiăng ai kuăn. Kơnôm ing tơdroăng to\ng kum dêi Đoân Droh rơtăm cheăm hiăng  kum ăm rơpo\ng ngoh châ hluăn ing kơtiê.

‘’Rơpo\ng á mơnê kơ mâu vâi pú, droh rơtăm hiăng loi tơngah, kum ăm rơpo\ng á ro vâ pêi cheăng kâ hluăn ing kơtiê. Á păn ro vâ ga ai kuăn, pro pơxúa ăm rơpo\ng hngêi, vâ kơ’nâi mê ah xo ing tơdroăng ki mê vâ mơnhông pêi cheăng kâ, ki má péa vâ ai liăn pêi kâ ăm la ngiâ ah’’.

Đoân Droh rơtăm cheăm Ea Wy bruô ro hdrê ăm đoân viên, droh rơtăm ki ai tơdroăng rêh ối xahpá

Rơtế [ă rơpo\ng ngoh Nguyễn Văn Lâm, sap ing hơnăm 2015 troh nôkố, Đoân Droh rơtăm cheăm Ea Wy hiăng bruô 4 to ro hdrê ăm 4 rơpo\ng dêi đoân viên, vâi droh rơtăm ki ai tơdroăng rêh ối pá puât, kum ăm vâi châ tơtêk iâ tung rêh kâ ối.

Ti xê to bruô ăm ro, mê Đoân Droh rơtăm cheăm ối pêi pro hên mâu tơmeăm khoăng, kum pêi pro mâu tơdroăng cheăng ki nhên vâ pro hơ’lêh ngiâ méa thôn pơlê nếo a mâu pơlê pơla cheăm bêng.

Rêm xêi, a plông kơtú [along a thôn 1A, cheăm Ea Wy hlo ai nếo tơdroăng ki kơdrâm kơdre\ng kuăn pơlê [ă mâu khu droh rơtăm dêi mâu thôn ki veăng xah peăng [along. Plông ki peăng [along mê hiăng châ me\n pro [ă [ê tong, cho tơmeăm khoăng ki Đoân cheăm hiăng mơhnhôk rêm khu râ veăng tơlo liăn ai lối 18 rơtuh liăn vâ kum ăm kuăn pơlê.

Tiô ngoh Ngôn Tiến Hùng, ngế đoân viên tối, kơnôm ai mâu tơmeăm khoăng dêi Đoân Droh rơtăm cheăm mê hiăng veăng kum mơhnhôk, tơ’mot hên mâu đoân viên droh rơtăm veăng hriâm ivá. Ing mê, kum ăm tơdroăng rêh ối dêi khu droh rơtăm, kuăn pơlê thăm châ mo châ, rơdêi le\m.

‘’Pro plông peăng [along ga xuân kum há ăm khu vâi rơtăm, mâu pho#m vâ xông kân kơdroh tơdroăng hmâ tí tăng tơku\m ôu drôu têa, pôu po\ng, mơjiâng tơdroăng tơ’noăng ivá châ chăn ki rơdêi le\m hnối ai tơdroăng tơru\m pơla mâu đoân viên, droh rơtăm’’.

Ngoh Trần Văn Khang-Kăn pơkuâ hnê ngăn Đoân Droh rơtăm cheăm Ea Wy tối ăm ‘nâi, veăng pêi pro tiô tơdroăng ‘’Khu rơxông tơdjuôm ivá veăng mơjiâng thôn pơlê nếo’’ tung hơnăm 20128. Đoân Droh rơtăm hiăng veăng tơrá lối 500 hâi pêi cheăng mơjiâng pro troăng prôk thôn pơlê.

Tơdrêng amê, Đoân Droh rơtăm hiăng pơkâ pêi pro mâu hnoăng cheăng ki mơhno\ng pleăng hnoăng cheăng, kui trâp, văng hno têa toh, kơpuih văng plông hngêi, troăng prôk tâ tá, mơhnhôk châ lối chât rơpâu ngế đoân viên droh rơtăm veăng pêi:

‘’Ngin hmâ to\ng kum, rak ngăn khât má lối [ă mâu vâi o hdrêng, mâu rơpo\ng ki kơtiê xahpá. {ă đoân viên ngin xuân hiăng mơjiâng Tơdroăng ki veăng chông djâ tơdroăng pói vâ dêi vâi o, hiăng châ hên mâu đoân viên veăng vâ môi tuăn [ă châ môi tuăn tơdroăng pói vâ dêi kuăn pơlê tung cheăm’’.

Pôa Nông Ngọc Thiết, Kăn pho\ pơkuâ hnê ngăn Đảng ủy cheăm Ea Wy tối tiah kố, ing tơdroăng to\ng veăng dêi mâu đoân viên, droh rơtăm mê kô kum ăm cheăm thâ re\ng pêi pro klêi hnoăng cheăng mơjiâng thôn pơlê tung hơnăm 2019.

‘’Tung mâu khế hơnăm hiăng luâ, tơdroăng cheăng dêi đoân viên, droh rơtăm rak vế, pêi pro châ hên tơdroăng. Tung mê, ki rơhêng vâ tối ‘na tơdroăng mơjiâng thôn pơlê nếo dêi đoân viên, droh rơtăm tung cheăm ga kân ‘nâng tung hnoăng mơjiâng troăng prôk, veăng kum mâu rơpo\ng kơtiê, mâu hnoăng cheăng ‘na rak vế krúa le\m tơnêi tíu, hyôh kong prâi tâ tá’’.

{ă hnoăng cheăng ki djâ troăng ahdrối dêi khu rơxông tung mơnhông pêi cheăng kâ, mơhno\ng pleăng hnoăng cheăng, mê đoân viên, droh rơtăm cheăm Ea Wy, tơring Ea Hleo, kong pơlê Dak Lak hiăng veăng kum bro hơ’lêh hên ngiâ méa thôn pơlê nếo a pơlê cheăm ki ối kong hơngế kố.

Tuấn Anh chêh

Nhat Lisa tơplôu [ă tơbleăng