VOV4.Sêdang - Sap lơ 2/10 troh lơ 6/10, kong pơlê Dak Lak hiăng pơtối xo vâ chê 17 rơpâu ngế kuăn pơlê lo ing Pơlê kong kân Hồ Chí Minh vêh a kong pơlê, tung kơxô̆ ki mê ai hên ngế hiăng châ pâk 1 trum vaccine mơdât pơreăng COVID-19. Tung kơxô̆ vâ chê 17 rơpâu ngế kuăn pơlê ki vêh ing Dak Lak sap ing pơlê kong kân Hồ Chí Minh vêh mâu kong pơlê peăng hdroh, ai 68 ngế F0 hiăng châ pơlât prêi, 1224 ngế hiăng pâk trum má 2 vaccine ƀă vâ chê 5 rơpâu ngế hiăng pâk trum má môi vaccine.

Vâ chê 5 rơpâu ngế vêh a Dak Lak nếo pâk môi trum vaccine

Ƀă kơxô̆ vâ chê 5 rơpâu ngế hiăng pâk trum má 1 vêh mê, pro ăm tơdroăng xing xoăng pâk vaccine dêi kong pơlê trâm pá. Vâ tơniăn ăm tâi tâng mâu ngế ki pâk mơdât COVID-19 trum má 1 châ pâk trum má 2 tro hâi khế pơkâ, Dak Lak kô pâk tiô rêm túa vaccine, ing mê kô ai hlá mơ-éa pâ thế Chin phuh tơ’nôm vaccine pâk ăm tơtro.

Gương tơplôu ƀă tơbleăng