VOV4.Sêdang - Klêi péa khế mơjiâng pro, kông vế a thôn 6, cheăm Hòa Lễ, tơring Krông Bông, kong pơlê Dak Lak hiăng pro klêi. Sap nôkố, kuăn pơlê akố ta xê eâ kơpon kơxái xếo lơ to plong tơkâ hluâ têa Krông Na tung pơla rơnó kong mê têa kân lân lu, tơdroăng ki prôk lăm [ă pơto kế tơmeăm ki pêi lo ing chiâk deăng ‘na tá têa kroăng hiăng tơ’lêi hlâu, tơniăn. 

Kông vế hiăng pro kêi klê péa khế mơjiâng a tơring Krông Bông, kong pơlê Dak Lak

Kông vế kố châ ‘no liăn mơjiâng pro ai 7 rơtal, ki xo\n ai 70 met, rơdâ ai 3 met vâ vâi krâ nho\ng o prôk lăm tơ’lêi hlâu, tơniăn. Pôa Trần Thanh Lượng, kăn pơkuâ cheăng Măt tra#n thôn 6, cheăm Hòa Lễ ăm ‘nâi: Sap ing pơxiâm mơjiâng pro nah, kuăn pơlê a cheăm kố sôk ro tơkôm, bu 2 khế kơ’nâi, mê kông vế hiăng pro klêi, hnối ăm kuăn pơlê xoi tơkâ hluâ lăm pêi chiâk deăng, tê mơdró kâ, bố bố tá sôk ro: Kuăn pơlê a thôn 6 ngin kố ai kông vâ prôk lăm xuân hlo sôk ro khât, xua tơnêi têa tơmâng ngăn to\ng kum troh vâi krâ nho\ng o, rêm hâi vâi pro kông á pơrá xuân lo ngăn, á xuân veăng mơhnhôk vâi krâ nho\ng o xo ah hmôi rơxế tu tuh ôh tá chiâng kơtâ hluâ, bu rơxế hon đa [ă kuăn pơlê ki prôk lăm tê chiâng tơkâ hluâ, vâi krâ nho\ng o hiăng ai kông prôk lăm pêi cheăng kâ, vâi krâ nho\ng o pôi tá kơpon xếo a kơxái vâ tơkâ hluâ pá tá.

Katarina Nga tơplôu [ă tơbleăng