VOV4.Sêdang - Kơxêi lơ 26/5, Khu ngăn ‘na hnê hriâm [ă hnê mơjiâng tơdroăng rơkê dêi kong pơlê Dak Lak hiăng tơku\m hôp tối tơbleăng tơdroăng nếo ai ‘na hneăng tơ’noăng râ má 3 phôh thong tơnêi têa hơnăm 2017.

Ki rơhêng kal vâ ‘nâi ple\ng, hơnăm kố, kơxo# hok tro ki tăng rah xêh vâ hriâm tơdroăng cheăng pêi klêi kơ’nâi mơgêi râ má 3 ai 35%. Hneăng tơ’noăng râ má 3 phôh thong hơnăm kố, a Dak Lak ai 1 Ho#i đông ngăn ‘na tơ’noăng, tâi tâng ai 43 tíu ki tơ’noăng. Tung mê, ai 2 tíu tơ’noăng cho a Hngêi trung Đăi hok Tây Nguyên [ă Kao đăng Sư phăm Dak Lak vâ ăm mâu hok tro ki hiăng klêi hriâm lâm 12 a mâu hơnăm hdrối mê hía nah, bu séa mơnhên ngăn ‘na tơdroăng tu\m điêm vâ ăm mot hriâm a hngêi trung Đăi hok Tây Nguyên [ă Kao đăng.

Lâp kong pơlê ai 22 rơpâu 390 ngế hok tro ki chêh inâi veăng tơ’noăng, tung mê, ai vâ chê 66% kơxo# hok tro ki séa ngăn điêm vâ mot hriâm a mâu hngêi trung kao đăng, đăi hok. Mâu hok tro ki ê vâi kô rah ngăn dêi tơdroăng cheăng vâ hriâm, tâk lối 10% tâng vâ pơchông ngăn [ă hơnăm nah.

Nhat Lisa tơplôu [ă tơbleăng