VOV4.Sêdang - Xua tơdjâk ing khía mơhot kân xô̆ 5, mâu tíu tung kong pơlê Dak Lak ai kong mêi kân, têa lân lu. A tơring Lăk, môi tung mâu tíu ki ai ƀăng klâng kân má môi dêi kong pơlê, hiăng ai 230 ha báu tro têa lu, kuăn pơlê dế thâ tơbriât pôe dêi báu ƀă têa lu.

Kuăn pơlê tâm tung têa pôe dêi báu tơbriât ƀă têa lu

Pôa Nguyễn Viết Quang, Ngế ngăn ‘na ƀơrô pêi chiâk deăng ƀă mơnhông mơdêk thôn pơlê tơring ăm ‘nâi, têa ing mâu kơnhŏng hdrok tiô kroăng Krông Na ƀă mâu têa kroăng kân môi tiah Dak Phơi, Dak Liêng, pro hrĭng ha báu tro têa lu, tơkŭm hên a 3 to cheăm Dak Liêng, Buôn Triết, Buôn Tría ƀă tiô tối hdrối têa kô ối tâk đik rĕng. Kơvâ ngăn ‘na chiâk deăng hiăng tơrŭm ƀă Vi ƀan mâu cheăm Buôn Tría, Buôn Triết ƀă Dak Liêng, riân mâu tơnêi klâng chiâk ki tro lŭp vâ ai troăng rơhlâ kơjo kum tiô pơkâ 02 hơnăm 2017 dêi Chin phuh.

Gương tơplôu ƀă tơbleăng