VOV4.Xơ Đăng - Vâ ai tiô mơngế vâ rôe tung rôh mơ’nui hơnăm 2021 ƀă Têt Lo hơnăm nếo hơnăm Nhâm Dần 2022, nôkố hiăng ai 10 khu mơdró ki kân tung kong pơlê Dak Lak tơhrâ kô rôe ‘măn mâu tơmeăn ki kal tâi tâng kơnâ lối 279 rơtal liăn. Mâu tơmeăm tơniăn mê cho: Phái, hơ’nêh chu, hơ’nêh í, kơtâ í, pêap, têa rơmâ, bôt ngot ƀă mâu kế kâ ki hiăng pro lôi, kơchâi, plâi, pôm, têa châu têa kơxăng, kơ ƀăn kía ngeăm.

Tơmeăm khoăng a mâu kơchơ kân siêu thĭ kong pơlê Dak Lak bê vâ tê ăm mơngế ki rôe xúa

Tung pơla rak tơniăn yă ton lối 2 khế, ing hâi lơ 15/12/2021 - 28/12/2022 pơla dế ai pơreăng COVID-19 tâ tú rơ-iô ton, Khu ngăn tê mơdró kong pơlê Dak Lak thế mâu Khu mơdró, khu pêi cheăng tơrŭm, rơpŏng ki mơdró rôe ‘măn hên tơmeăm, hlối vâ rak tơniăn tơdroăng hbrâ mơdât pơreăng tung pơla pêi pro tê mơdró tiô pơkâ. Nôkố, tơmeăm tê ai tiô púi dêi kuăn pơlê vâ rôe, tiô tối hdrối kô bê tê a rôh Têt.

Khu xiâm ngăn tê mơdró xuân hiăng pơtrroh hlá mơ-éa ăm Vi ƀan kong pơlê Dak Lak séa ngăn, kĭ pơkâ pêi pro tơdroăng tơniăn yă tê mâu tơmeăm tung rôh mơ’nui hơnăm 2021 ƀă Têt Lo hơnăm nếo hơnăm Nhâm Dần 2022.

Gương tơplôu ƀă tơbleăng