VOV4.Sêdang - Kong pơlê Dak Lak hiăng ai tơdroăng ki hơ’lêh khât tung tơdroăng ki hơ’lêh chêh pro hlá mơéa kum khu mơdró kâ mơnhông mơdêk. Mê cho tơdroăng ki tơmâng xo tơdjuôm dêi hên khu mơdró kâ a Hneăng hôp xua Vi [an hnê ngăn kong pơlê Dak Lak tơku\m po.

Tiô kăn teăng mâ dêi mâu khu mơdró kâ tối, tung pơla pơkâ mơnhên mâu hlá mơ-éa tung mâu kơvâ cheăng a kong pơlê hiăng châ pro ‘nâng ‘nâi. Tung mê, Khu ngăn ‘na mơjiâng pro kế tơmeăm hiăng pro ‘nâng ‘nâi tung pơla hâi khế bruô ăm hlá mơéa phêp mơjiâng sap ing 30 hâi chu ối 14 hâi.

Khu ngăn ‘na pơkâ [ă ‘no liăn cheăng kơdroh hâi khế lơ pơkâ tơleăng 10 kơtâ hlá mơéa chêh inâi tê mơdró sap ing 3 hâi chu ối 1 hâi lơ pơkâ mơnhên kum tung hâi ki mê.

Rơtế [ă tíu cheăng ki pro tơ’lêi hlâu ‘na chêh pro hlá mơ-éa, Dak Lak xuân ai tơdroăng ki to\ng kum kơhnâ khât [ă khu mơdró kâ, hơ’lêh tơdroăng tê mơdró, tơ’mot mâu khu ‘no liăn cheăng.

Dak Lak nôkố ai lối 6.900 khu mơdró kâ dế pêi cheăng, [ă kong pơlê mơ-eăm troh tâi hơnăm kố kô ai 8 rơpâu khu mơdró kâ, troh a hơnăm 2020 ai lối 10 rơpâu khu mơdró kâ pêi cheăng.

Katarina Nga tơplôu [ă tơbleăng