VOV4.Xơ Đăng - Troh  nôkố, Dak Lak hiăng pâk châ 82% vaccine trum má 1 ƀă  pâk lối 10% ngế trum má 2 ăm mâu ngế sap 18 hơnăm tơngi klêng. kong pơlê mơ-eăm pâk tâi tung khế 11 kố, pâk klêi trum má 1 ƀă mơgêi hơnăm 2021 kô pâk tŭm vaccine péa trum ăm 1,5 rơtuh ngế. Ƀok thái pơkeăng Trịnh Quang Trí, Ngế pơkuâ tíu xiâm séa ngăn mơdât pơreăng kong pơlê Dak Lak ăm ‘nâi, kong pơlê dế pơtối ai lối hrĭng ngế tâ pơreăng rêm hâi, ƀă khu xiâm ngăn pơkeăng hiăng xing xoăng vaccine ăm Dak Lak vâ rĕng châ pâk lâp lu vaccine mơdât COVID-19.

Kong pơlê Dak Lak mơ-eăm tâi hơnăm 2021 kô châ pâk lâp vaccine tŭm péa trum ăm 1,5 rơtuh ngế kuăn pơlê

Tơdroăng pơkâ má môi khế 12 hơnăm kố, kô châ xo tŭm vaccine, kô pâk tâi trum má 2 ăm mâu ngế sap 18 hơnăm tơngi klêng dâng 205 rơpâu ngế ing 12- 17 hơnăm.

Gương tơplôu ƀă tơbleăng