VOV4.Sêdang - Tung hơnăm hiăng luâ, kong pơlê Dak Lak hiăng hnê mơhno kơtăng ăm mâu kơvâ cheăng [ă tơring cheăm tơru\m krá vâ pêi tơ-[rê tơdroăng tơkêa bro hnhâng kơxái on tơhrik ăm 37 to pơlê kơtiê xahpá dêi kong pơlê.

Troh nôkố, tơdroăng tơkêa bro hiăng pê klêi hdrối 6 khế tâng vâ pơchông [ă tơdroăng pơkâ, veăng kum kơd^ng hâi khế [ă liăn ngân.

Tơdroăng tơkêa bro kum on tơhrik ăm 37 to thôn pơlê xơpá a Dak Lak hiăng luâ tơdroăng pơcháu tơdế hơnăm [ă lối 35 rơtal liăn

Tơdroăng tơkêa bro hnhâng troăng kơxái on tơhrik ăm 37 to thôn a kong pơlê Dak Lak hiăng châ Chin phuh ‘no liăn kum dâng 126 rơtal liăn pro kơxái on tơhrik troh a vâ chê 2 rơpâu 800 rơpo\ng kuăn pơlê kơtiê ki hâi teăm ai on tơhrik tơnêi têa a 15 tơring, pơlê kong krâm, pơlê kong kơdrâm.

Tung pơla pơcháu vâ pê klêi tơdroăng tơkêa bro ai 2 hơnăm, riên sap ing khế 10/2016. La kơnôm pêi tro tơdroăng cheăng mơhnhôk kuăn pơlê pleăng tơnêi pơcháu tơnêi vâ pro troăng kơxái on tơhrik, mơhnhôk mâu khu ‘no liăng mơjiâng pro, kơ’nâi vâ chê 1 hơnăm tơdế tơbleăng pêi, khu ngăn on tơhrik Dak Lak hiăng krâ chôu on tơhrik ăm kuăn pơlê xúa, re\ng tâ tơdế hơnăm tâng vâ pơchông [ă tơdroăng pơcháu, rơlối liăn châ chât rơtal liăn.

Ai dâng 2.800 rơpo\ng hdroâng kuăn ngo a Dak Lak châ xúa on tơhrik hdrối tâ pơkâ

Pôa Lưu Văn Khang, kăn pho\ ngăn ‘na on tơhrik, khu ngăn ‘na mơdró dêi kong pơlê Dak Lak tối ăm ‘nâi, kong pơlê dế pro hlá mơ-éa vâ pơkâ xúa liăn ki rơlối mê, pơtối pro on tơhrik ăm mâu kơpong kuăn pơlê hngế hngo.

‘’Tơdroăng tơkêa pro on tơhrik tung thôn ing tơdroăng pro on tơhrik dêi tơnêi têa châ khu xiâm tơnêi têa ‘no liăn ăm mơjiâng pro rôh má 1 pro ăm mâu pơlê kơtiê xahpá kal vâ on tơhrik a Dak Lak, troh nôkố, hiăng pro klêi.

Nôkố, kơxo# liăn ki mê ối rơlối 35 rơtal liăn mê ngin dế tí tăng ‘nâi ple\ng ăm Vi [an kong pơlê pro ăm pơla rôh la ngiâ. Khu ngăn ‘na mơdró xuân hiăng séa ngăn a 9 to thôn pơlê oh tá xê 37 thôn pơlê dêi 4 tơring vâ pro ăm kuăn pơlê.

Gương tơplôu [ă tơbleăng