VOV4.Sêdang - Kơxo hnah, lơ 13 khế 10, Đảng [o# kong pơlê Dak Lak pơxiâm po hneăng hôp mâu kăn teăng mâ rôh má 16, hneăng hơnăm 2015-2020 veăng ai 350 ngế kăn teăng mâ ăm vâ chê 64 rơpâu ngế đảng viên tung tâi tâng Đảng [o#. Đăi tươ\ng Trần Đại Quang, kăn cheăng ‘na kal kí, Kăn xiâm pơkuâ ko\ng an, Kăn pơkuâ hnê mơhno cheăng Tây Nguyên veăng hôp [ă hnê mơhno a hneăng hôp. Tiô tối tơbleăng tơdroăng kal kí pơtroh ăm hneăng hôp, hneăng hiăng hluâ, tơdroăng cheăng kâ tâk hên, tơdroăng cheăng kâ pơtối châ mơdêk. Tâi tâng kế tơmeăm tung kong pơlê tâk hên, tâng xêo rêm hơnăm 8%, pê lo kế tơmeăm tâng xêo rêm ngế châ dâng 35 rơtuh liăn; kơxo# rơpo\ng kơtiê kơdroh lối 14%. Đảng [o# kong pơlê Dak Lak pơkâ 20 tơdroăng pơkâ nhên tung hneăng la ngiâ. Tung mê, ki mơdêk cheăng kâ châ sap 8,5 troh 9%, mơ-eăm troh hơnăm 2020 pêi lo kế tơmeăm rêm ngế kô châ lối 60 rơtuh liăn, xo tơvêh ăm hngêi rak liăn tơnêi têa dâng 5 rơpâu rơtal liăn, 40% kơxo# cheăm châ tối cho thôn pơlê rêh ối cheăng kâ tiô túa nếo, rêm hơnăm kơxo# rơpo\ng kơtiê kơdroh sap 2,5 troh 3%.

Gương tơplôu [ă tơbleăng