VOV4.Sêdang - Kơxo lơ 31/5, hngêi mơhno mơjiâng túa le\m tro vâi hdrêng kong pơlê Dak Lak tơku\m po tơdroăng cheăng ki pơtê hriâm hơnăm 2017 [a\ hên tơdroăng xah hêi, sôk ro. Tơdroăng po mơhnhôk ai 4.000 ngế vâi hdrêng veăng hriâm, tung mê ai lối 500 ngế vâi hdrêng ki ai tơdroăng rêh ối pá puât, vâi hdrêng kuăn tê, vâi hdrêng chó cheâng, tơvê ko\ng châ păn roăng a tíu xiâm to\ng kum, tíu rak ngăn vâi hdrêng a pơlê kong kơdrâm {uôn Ma Thuột.

Pơxiâm po mâu tơdroăng cheăng a rơnó pơtê hriâm a Dak Lak

Rơnó pơtê hriâm hơnăm kố, Hngêi mơhno mơjiâng túa le\m tro droh rơtăm pho#m xông kân Dak Lak kô tơku\m po hên tơdroăng, tơtro [a\ hên rơxông, hơnăm. Tung mê, ai 31 tơdroăng ki tơná vâi hdrêng rơkê ối tung mâu kơvâ mơhno túa le\m tro nge# thuât, tơ’noăng ivá. A leh pơxiâm po a kơxo, khu tơku\m po hiăng diâp 15 hnoăng liăn hriâm rơkê, tâi tâng kơnâ 15 rơtuh liăn [a\ lối 500 kơxuô kế tơmeăm ăm vâi hdrêng ai tơdroăng rêh ối pá puât rơkê tung hriâm tâp tung hơnăm kố nah, diâp 4.000 ve\ xah hêi tê kơtê ăm vâi hdrêng.

A Sa Ly tơplôu [ă tơbleăng