VOV4.Sêdang - Pơreăng Covid-19 hiăng [ă dế ai tơdjâk hên ó troh mâu khu mơdró kâ. Hên khu mơdró kâ hiăng xahpá tung pêi cheăng kâ, thăm nếo pro lối rơlâu ngế ko\ng nhân ôh tá ai cheăng pêi. Tung pơla mê, mâu kơ koan ki ai tơdjâk troh rơtế [ă khu mơdró kâ a Dak Lak hiăng ai hên troăng hơlâ vâ to\ng kum ăm kuăn pơlê ki hdrối nah ai cheăng pêi la nôkố ôh tá ai cheăng pêi xếo. {ai chêh dêi Nam Trang, Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai chêh tối ‘na tơdroăng mê, pó vâi krâ-nho\ng o kô tơmâng.

Ai mâ pêi cheăng a kong pơlê roh má 6 hơnăm 2020 châ tơku\m po nếo achê pơla kố, nâ Trần Ngọc Thảo, ối a bêng Tân Thành, pơlê kong kơdrâm {uôn Ma Thuột tối ăm ‘nâi: Hdrối nah, nâ pêi cheăng k^ tơkêa [ă môi khu mơdró kâ a kong pơlê, ai mâu ko\ng nhân hiăng lo pơtê pơtân, mâu ngế ki ê kâ liăn khế bu iâ, hiăng kơdroh hên vâ khoh ai cheăng pêi tơniăn troh a hâi kố. Nôkố, hiăng kâi châ mơdât pơreăng, nâ Thảo pói rơhêng vâ tăng môi tơdroăng cheăng ăm i tơtro vâ tơniăn tơdroăng rêh kâ ối:

Nâ Trần Thị Ngọc Thảo chêh bro hồ sơ tăng cheăng pêi

‘’Tung pơla ai pơreăng Covid-19 tâ tú hdrối kố nah, tơdroăng cheăng á xuân tro tơdjâk há, ai khế ki pêi ai khế ki pơtê, liăn khế kơdroh châ tơdế, xua ti mê, mâu hâi ki kố á pói rơhêng châ ai tơdroăng cheăng pêi tơniăn ton’’.

Xuân veăng ai mâ a roh xo pêi cheăng roh kố, ngoh Tống Trần Thông, ối a pơlê kân Phước An, tơring Krông Pa], kong pơlê Dak Lak tối ăm ‘nâi, hdrối nah ngoh hiăng pêi cheăng a môi tíu mơdró kâ, xua tro tơdjâk dêi pơreăng Covid-19 xua mê, tơdroăng cheăng khoh ôh tá tơniăn, dế nôkố, ngoh vâ tăng tơdroăng cheăng ăm i tơtro tâ vâ thăm mơdêk tơdroăng cheăng kâ.

Hên ngế troh a tíu xiâm tăng ăm cheăng pêi tơngah vâ châ ai cheăng pêi tơtro

‘’Á pói rơhêng vâ tăng môi tơdroăng cheăng ki tơtro [ă hnoăng cheăng á, pro ti lâi ăm i chía tơniăn [ă mơnhên tối cho pêi cheăng a kong pơlê Dak Lak kố’’.

Klêi kơ’nâi 2 roh tro tâ pơreăng Covid-19, kong pơlê Dak Lak ai dâng 100 rơpâu ngế ki pêi cheăng chiâng ôh tá ai cheăng pêi. Kơxo# mơngế ki nâp hồ sơ pâ kum [aoh hiêm to\ng veăng, xua ôh tá ai cheăng pêi hiăng tâk troh vâ chê 7 rơpâu 500 hồ sơ, [ă kơxo# liăn ki kum ăm mâu ngế ki ôh tá ai cheăng pêi mê ai dâng 100 rơtal liăn. Klêi kơ’nâi hiăng châ mơdât pơreăng tâ tú, mâu tơdroăng cheăng tê mơdró kâ hiăng vêh tiah hmâ, hên khu mơdró kâ a kong pơlê kố hiăng châ tơniăn [ă po rơdâ tíu tê mơdró kế tơmeăm. Rak vế, pêi pro hnoăng cheăng ki kal tung pêi mơjiâng [ă kal vâ rôe ing mâu tơmeăm pêi lo, veăng kum ‘mâi rơnêu tíu mơdró kâ, mê tung mâu hâi hdrối kố nah, Tíu xiâm pơkuâ ngăn cheăng pêi a kong pơlê Dak Lak hiăng tơru\m cheăng, tơku\m po 6 roh ki tơru\m tăng cheăng pêi tiô rêm khế a Tíu xiâm [ă 5 roh tơpui tơno ukố umê [ă Hâi tăng cheăng pêi a mâu tơring, pơlê krâm, pơlê kong kơdrâm.

Cho tíu ki hmâ tăng mơngế pêi cheăng klêi kơ’nâi tâ tú pơreăng Covid-19, nâ Phạm Thị Thùy Dung, Ko\ng ti pêi cheăng tiô rơnó Hapfa, pơlê kong kơdrâm {uôn Ma Thuột, kong pơlê Dak Lak tối ăm ‘nâi, klêi tung pơlê pơla pá ai xếo tơdroăng pơkâ thế ối klâ kơtăn hơngế dêi pó, ai hên ngế lăm tăng cheăng pêi, vâi pơrá vâ tăng tơdroăng cheăng ki nếo. ‘Na tơdroăng kố, nâ Dung ai tối tơbleăng, mơngế pêi cheăng kal athế tơmiât i nhên, xua roh ki ai pơreăng tâ tú, roh ki hiăng tâi pơreăng ôh tá xê hlâu vâ hơ’leh mâu tơdroăng cheăng pêi, xua mơngế ki ai tơdroăng cheăng hdrối nah ti xê rơkê hlâu mâu tơdroăng cheăng ki nếo:

‘’{ă tơdroăng ki pói vâ dế nôkố dêi Ko\ng ti mê xuân ôh tá eâ ai pơklât ki klâi lối hngăm, maluâ tơdroăng cheăng ôh tá ai pá ki klâi phá, a tíu mơdró kâ, hngêi kơchơ {uôn Ma Thuột kố ki hên cho mâu Ko\ng ti krâ kơvâ [ă Ko\ng ti ku\n xua mê, mâu nho\ng o ki pêi cheăng athế [e\ng [eăn, teăm tơdrêng vâ hơ’leh dêi túa cheăng, xua klêi kơ’nâi tâi pơreăng kô ai hên mơngế pêi cheăng, a pơlê kong kân Hồ Chí Minh ga phá tơ-ê [ă pơlê kong kân {uôn Ma Thuột’’.

Tiô tơdroăng riân ngăn dêi Khu ngăn ‘na cheăng pêi-mô đo#i rong-[ă pơlê pơla kong pơlê Dak Lak tối, troh tâi khế 9/2020, lâp kong pơlê hiăng tăng cheăng pêi ăm lối 3 rơpâu 200 ngế, châ 76% tâng vâ pơchông ngăn [ă tơdroăng pơkâ. Vâ pêi pro klêi hnoăng cheăng tăng cheăng pêi ăm 4 rơpâu 100 ngế pêi cheăng tung hơnăm 2020, [ă hnối veăng kum mơngế pêi cheăng ki ôh tá ai cheăng pêi pơtối châ ai cheăng pêi klêi kơ’nâi pơreăng Covid-19 tâ tú, mâu hâi la ngiâ kố ah Khu pơkuâ cheăng pơtối tơru\m cheăng [ă mâu tơring, pơlê kong kân, mâu kơ koan, mâu đông, mâu hngêi kơmăi, khu mơdró kâ tung kong pơlê [ă mâu kong pơlê ki ê thăm mơdêk mâu tơdroăng ki hnê tối, tăng cheăng pêi tơniăn. Pôa Trần Phú Hùng, Kăn pơkuâ ngăn ‘na cheăng pêi, mô đo#i rong [ă pơlê pơla dêi kong pơlê Dak Lak tối:

‘’Peăng Khu pơkuâ [ă Tíu xiâm ki hnê tối, tăng cheăng pêi, [ă hnối ai hnoăng ki ăm kâ liăn [ă mơngế hdrối nah ai cheăng pêi la nôkố tro pơtê, klêi mê, hnối ai hnoăng cheăng hnê tối ăm mâu ngế ki ôh tá ai cheăng pêi tăng pêi mâu tơdroăng cheăng ki nếo. Ki má pái, athế tơru\m [ă mâu khu mơdró kâ vâ drêng kal ai cheăng pêi, kô pơtâng tối ăm mâu ngế ki mê châ pêi cheăng tơniăn’’.

{ă mâu tơdroăng ki ai tơdjâk pá puât dêi pơreăng Covid-19 troh a tơdroăng pêi cheăng, tơdroăng ki pơkâ mâu troăng hơlâ dêi Chin phuh ăm khu mơdró kâ [ă mơngế pêi cheăng [ă mâu troăng hơlâ tăng cheăng pêi mê bu xiâm tâng rơkong tiâ, tăng cheăng pêi ki pơtân ăm mâu ngế ki ôh tá ai cheăng pêi, la tung mê, ối ai hên mâu tơdroăng ki xahpá, pơloăng mơnúa dế nôkố.

Nam Trang chêh

Nhat Lisa tơplôu [ă tơbleăng