VOV4.Sêdang - Kơnôm ai tơdroăng to\ng kum, ngăn khât dêi rêm râ, mâu kơvâ cheăng [ă vâi ‘ne\ng kơtiê, vâi ‘ne\ng ai tơdroăng rêh ối xahpá a kong pơlê Dak Lak dế koh tơdah Têt Trung thu hơniâp ro, tơtô.

To lâi hâi ki kố, hngêi trung râ má môi Nguyễn Huệ, cheăm Ea Bar, tơring {uôn Đôn, kong pơlê Dak Lak hiăng tâ ro tung hiâm mơno. Uân tung pơla chôu lo pơtê, mâu cô pơkuâ lâm hnê hok tro hriâm hơdruê xuâng, vâ hbrâ ăm roh ‘’kơmăng leh khế mơniâ’’ kô châ tơku\m po a tơdế tơring. O Võ Nhật Hồng Thi, hriâm lâm 5A tối ăm ‘nâi:To lâi hâi ki kố, á bro nâ Hằng la bú hriâm iâ tê. Ai drăng ki pá mê cô xuân hiăng hnê tối ăm á, vâ klêi tơdroăng hriâm mê á hlo xuân hiăng chía tơniăn, mơni kô châ kâ pri djâ vêh.

Tung mâu hâi ki kố, ki hơniâp ro dêi Trung thu hiăng hlo a hên tíu. A hngêi hơdruê xuâng vâi droh rơtăm-vâi hdrêng a kong pơlê Dak Lak, tơdroăng ‘’Kơmăng tơdah khế mơniâ’’, ai lối 700 ngế vâi hdrêng ki chó chêng tơvê ko\ng [ă vâi ‘ne\ng ki ai tơdroăng rêh xahpá veăng châ tơku\m ôm hêi. Akố, mâu vâi o châ xah hêi mâu tơdroăng roh vâi krâ ton nah, lăm ngăn tơdroăng hơdruê xuâng ai hên tơdroăng mơđah, xua mâu pú hmâ tơná mơđah. Lối 50 hnoăng ki mơhá xua hriâm rơkê [ă 700 kơxu tơmeăm cho xua mâu khu râ, kơvâ cheăng veăng rơlo, cho tơdroăng ki mơhnhôk hiâm mơno tơniăn vâ hriâm dêi vâi o. Nâ Lại Thị Loan, Kăn pơkuâ ngăn Hngêi mơhno mơjiâng túa le\m tro khu droh rơtăm-vâi hdrêng kong pơlê Dak Lak tối: Mơhé mâu tơmeăm mê, ga ôh tá kâi châ xing xoăng tu\m ăm vâi o, vâi muăn, xua vâi o, vâi muăn mê pá hên tơdroăng, la ngin tơmiât tiah kố, pak^ng hnoăng cheăng mê athế lo ing hiâm mơno ki mơjo pâ, hơ-ui vâ păng ‘nâng, ing mâu ngế hnê tơdjâ tơdroăng xah ôm hêi pơtrroh ăm vâi o, púi rơhêng vâ vâi o châ hlo tơdroăng ki pin hiăng mơjo pâ [ă tơdroăng ki hơniâp ro, tơtô dêi rêm ngế ki hiăng pơtroh ăm vâi o.

Vâi o, vâi muăn xah hêi hâi Trung thu a hngêi hơdruê xuâng droh rơtăm-vâi hdrêng dêi kong pơlê Dak Lak

Ngoh Đặng Gia Duẩn, Kăn pho\ pơkuâ ngăn Đoân droh rơtăm kong pơlê Dak Lak tối, tơdrêng [ă tơdroăng ki hiăng hbrâ tơnáo dêi Đoân droh rơtăm, mâu khu râ, kơvâ cheăng a mâu tơring, pơlê kong krâm tung kong pơlê pơrá ai hên mâu khu cheăng veăng rơtế rơlo liăn ngân, kế tơmeăm vâ tơku\m po Têt Trung thu ăm mâu vâi o, vâi muăn. Ngoh Đặng Gia Duẩn tối: Khu pơkuâ ngăn Đoân droh rơtăm [ă Ho#i đông vâi hdrêng tơdjâ troăng Hồ Chí Minh kong pơlê hiăng hnê tối ăm tâi tâng 15 tơring, pơlê kong kơdrâm tung lâp kong pơlê, a kơmăng hâi má 14 âm l^t pơrá tơku\m po tơdroăng xah ôm hêi ăm vâi hdrêng. Tung hơnăm kố, ngin xuân ối pơtối to\ng kum ăm mâu pơlê cheăm ki ối kơpong hơngế hơngo, kơtiê xahpá, tíu ki ai hên tơdroăng pá puât, kơpong pơlê dêi hdroâng kuăn ngo vâ kum ăm vâi o, vâi hdrêng ai rôh châ trâm dêi pó, xah ôm hêi, môi tiah po ‘’Kơmăng tơdah khế mơniâ’’ mê vâi o, vâi muăn kô ai rơnó trung thu ki tơtô achê dêi nôu pâ, [ă mâu ngoh nâ o kăn [o# Đoân.

{ă tơdroăng ki to\ng kum dêi mâu khu pơkuâ ngăn Đoân droh rơtăm a kong pơlê, rơnó trung thu hơnăm kố, vâi o vâi muăn a kong pơlê Dak Lak, malối [ă vâi o ki ối a kơpong hơngế hơngo, châ kôh tơdah trung thu ki tơtô [ă ai pơxúa.

Nhat Lisa tơplôu [ă tơbleăng