VOV4.Sêdang - Tiô Ko\ng ti on tơhrik Dak Lak tối, sap ing apoăng hơnăm troh nôkố, tung pơlê kong kơdrâm {uôn Ma Thuột hiăng ai 6 kơ koan, tíu cheăng [ă mâu rơpo\ng kuăn pơlê krâ ‘măn troăng pul on tơhrik mâ hâi [ă chêh inâi tung tơdroăng ki xúa on tơhrik tơnêi têa. Tung mê, kế tơmeăm ki kân má môi châ krâ ‘măn a Kơchơ tíu xiâm {uôn Ma Thuột, [ă túa pơkâ ‘no liăn dâng 8 rơtal liăn.

Dak Lak: Hmốu on ki xo ing hyôh tô trâ dêi mâ hâi pro a pơlê kong kân Buôn Ma Thuột

Hdrối nah, rêm khế kơpong kơchơ kố athế nâp lối 300 rơtuh liăn on tơhrik, la sap ing ai troăng xúa hmốu on mâ hâi, liăn on tơhrik nâp hiăng chu bu ối 1/3, tơdrêng a mê hnối mot tơru\m tung on tơhrik tơnêi têa châ lối 40.000kWh.

Tiah mê, Hngêi hlá mơ-éa Tây Nguyên, ối tung Ko\ng ti tơlo liăn hlá mơ-éa kế tơmeăm xúa tung hriâm tâp Dak Lak xuân ‘no lối 2 rơtal liăn vâ krâ hmốu on tơhrik mâ hâi, ôh ti xúa tiô tơdroăng ki rơhêng vâ xúa, mê ối tơru\m [ă on tơhrik tơnêi têa lối 300 kWh rêm hâi.

Dak Lak hmốu on mâ hâi pro ăm Hngêi 'măn hlá mơ-éa Tây Nguyên

Pôa Lê Hoài Nhơn, Kăn pho\ pơkuâ Ko\ng ti On tơhrik Dak Lak ăm ‘nâi, khu cheăng kố xuân hiăng krâ troăng hmốu on tơhrik mâ hâi vâ xúa a tíu cheăng dêi ko\ng ti, tơdrêng a mê hnối kum mâu khu mơdró kâ, mâu ngế phá ‘na kih thuât tung tơdroăng ki xúa on tơhrik tơnêi têa vâ tê on tơhrik tiô troăng hơlâ dêi Chin phuh:

‘’Mơ’nui hơnăm 2017 troh apoăng hơnăm 2018 kố, ngin pêi pro mâu tơdroăng pơkâ xuân môi tiah hlá mơ-éa pơkâ hnê mơhno dêi Ngế pro xiâm hnê ngăn Chin phuh [ă khu xiâm kơvâ cheăng ki ai tơdjâk.

Drêng mâu khu tơru\m lơ mâu ngế phá ai krâ hmốu on tơhrik mâ hâi kố mê ngin ai hnoăng cheăng séa ngăn kơtăng, krâ công-tơ, pơkâ chih xo#. Xua drêng xúa on tơhrik kong tô mâ hâi mơ’no hên mê, vâ pro tíu cheăng ki nâp liăn tung xo ah hmôi. Mơni tơnêi têa kô mơhnhôk nâp liăn on tơhrik ki rơlối mê’’.

Katarina Nga tơplôu [ă tơbleăng