VOV4.Xơ Đăng - Hâi lơ 10/12, mâu kong pơlê tung lâp kong pơlê Dak Lak pơxiâm tơbleăng pâk vaccine hbrâ mơdât COVID-19 ăm hok tro khô̆i hriâm râ má péa ing 12 hơnăm troh 15 hơnăm. Tâi tâng kơxô̆ hok tro râ má péa châ pâk vaccine rôh kố ai 120 rơpâu ngế, tơdroăng pâk châ pâk tiô kơ pơkâ hơnăm ing hên troh iâ. Ing mê, tung măng tĭng kố, mâu vâi o hok tro khô̆i lâm 8 ƀă lâm 9 kô pâk hdrối, măng tĭng kơ’nâi ah kô pơtối pâk mâu hok tro lâm 7 ƀă mâu vâi o lâm 6 ki hiăng châ 12 hơnăm. 

Mâu vâi o hok tro châ hnê tối, khăm ngăn ahdrối vâ pâk

Vâ tơniăn tơdroăng hbrâ mơdât pơreăng COVID-19, tro tiô pơkâ 5k, kơvâ ngăn pơkleăng Dak Lak hiăng pêi cheăng ƀă mâu hngêi trung, tơbleăng ăm mâu nôu pâ thế chiân dêi kuăn ‘nĕng lăm troh a tíu pâk vaccine tiô kơ khô̆i pơkâ  vâ pôi tá tơkŭm pú hên. Pakĭng mê, xoăng ăm mơngế séa ngăn vâ ‘nâi vâi o klêi pâk ƀă hlối hbrâ rơnáu rơxế chơ pơlât tơdrêng troh amê vâ teăm pơlât tâng lơ ai tơdroăng klâi ‘lo klêi pâk.

Gương tơpplôu ƀă tơbleăng