VOV4.Xơ Đăng - Kơxo lơ 26/11, Khu ngăn ‘na chiâk deăng ƀă Mơnhông thôn pơlê kong pơlê Dak Lak tơkŭm po leh tơbleăng pêt loăng ngiât vâ veăng kum ăm tơdroăng ki rak vế kong prâi tơnêi tíu, kơdroh iâ tơdroăng kong tô  mơdrăng khăng khoăng ƀă kong prâi pro hơ’lêh. A rôh leh, mâu kăn ƀă đoân viên droh rơtăm Dak Lak hiăng pêt 100 to xiâm loăng kơxu đen xŏn 3m tơngi klêng a 7 to troăng prôk tung pơlê kong kơdrâm Ƀuôn Ma Thuột. Kố cho môi tơdroăng cheăng tối tơbleăng pơkâ Hneăng hôp khu kăn Đảng ƀô̆ kong pơlê Dak Lak rôh má 17 hneăng hơnăm 2020 -2025, ƀă tơdroăng ki xiâm cho mơdêk ki xâp rơngiâp dêi kong a Dak Lak châ sap ing 40 – 42%.

Kăn ƀô̆, đoân viên veăng pêt loăng a hâi leh mơhnhôk

Tiah mê, lâp kong pơlê athế pêt châ 10.085 ha kong, tung mê, pêt loăng ngiât ki tơprâ tơprŭng ai 1 rơpâu ha; pêt loăng rak kơnhŏng têa, kong ki xiâm ai 365 ha; pêt kong xo loăng ai 8720 ha.

Katarina Nga tơplôu ƀă tơbleăng