VOV4.Sêdang -  Ai 136 ngế kuăn pơlê dế rêh ối ƀă pêi cheăng a kong pơlê Tây Ninh vêh a kong pơlê Dak Lak ƀă châ ăm lăm ối a kơpong klâ tơchoâm tiô pơkâ hbrâ mơdât pơreăng COVID-19. Klêi troh a Dak Lak, tâi tâng 136 ngế hiăng lăm ối klâ kơtăn a Tíu tơchoâm Trung tâm yăo yuk hnê cheăng lêng, Hngêi trung Đại hoc Tây Nguyên ƀă khăm ngăn rah vâ ‘nâi ngế tâ COVID-19. Klêi khăm ngăn roh má 1, tâi tâng ai 136 ngế âm tĭnh ƀă SARS-CoV-2.

Hên vâi hdrêng tiô dêi nôu vêh a pơlê roh kố

Vâ ví lơ ai tơdroăng tâ tú ing dêi rơpó tung khu ối kơtăn mê, rêm ngê hiăng châ mơhno ăm ối a mâu hngêi veăng pơrá phá tiô kơxô̆ ki mơngế hiăng pâk vaccine. Hâi khế ăm ối klâ kơtăn dêi rêm ngế kô ngăn a tơdroăng hiăng lơ hâi teăm pâk vaccine COVID-19 ƀă ngăn ing tơdroăng khăm ngăn ‘nâi âm tĭnh ƀă virus SARS-CoV-2. Troh nôkố, kong pơlê Dak Lak hâi tơbleăng pơkâ tơdah nếo mâu kuăn pơlê ki lo ing kong pơlê vêh dêi a kong pơlê tiô tơdroăng pơkâ nếo nôkố dêi mâu kong pơlê peăng Hdroh xua mâu hngêi ối tơmeăm xúa tung kơpong klâ kơtăn mê hâi tơniăn ‘na hbrâ mơdât pơreeăng COVID-19.

Gương tơplôu ƀă tơbleăng