Tơring Krông Bông, kong pơlê Dak Lak ai lối tơdế pơ’leăng mâ mơngế ối a kong pơlê Quảng Nam, Đà Nẵng, mê sap ing hâi lơ 17/7 troh nôkố, hiăng ai lối 2 rơpâu ngế sap ing kong pơlê kố vêh ngi tơring Krông Bông, mơni tơdroăng ki tâ tú dêi pơreăng Covid-19 kô hên. Krê tung kơxo lơ 29/7, xuân ai 3 rôh rơxế sap ing Đà Nẵng vêh troh a Krông Bông, [ă 50 ngế tơmối kơto tung rơxế. Mâu ngế ki vêh kố hiăng châ klâ ối krê a hngêi. {ok thái pơkeăng Nguyễn Tuấn Việt, kăn pho\ pơkuâ Tíu xiâm ngăn pơkeăng tơring Krông Bông ăm ‘nâi, tíu cheăng kố hiăng hbrâ rơnáu ‘na mâu ngế pêi cheăng vâ hbrâ mơdât [ă pơreăng:

‘’Nôkố, Tíu xiâm ngăn pơkeăng ngin hiăng pơkâ thế mâu hngêi pơkeăng cheăm, tơru\m mâu đo#i ki hbrâ mơdât Covid-19 a mâu cheăm, pơlê kân [ă tíu xiâm ngăn pơkeăng [ă a tíu xiâm ngăn pơkeăng ngin hiăng klâ xing xoăng, klâ krê [ă hbrâ mâu kế tơmeăm vâ tơdah xo mâu ngế ki nhôm tâ Covid-19’’.

Kơpong pơlât ăm mâu ngế ki tâ pơreăng Covid-19 a Hngêi pơkeăng kân kơpong Tây Nguyên

A Hngêi pơkeăng kân kơpong Tây Nguyên, tíu ki dế pơlât ăm mâu ngế ki tâ pơreăng Covid-19, kăn pơkuâ hngêi pơkeăng kân kơpong Tây Nguyên ăm ‘nâi, drêng hiăng mơnhên ngế ki tâ pơreăng, Hngêi pơkeăng xôh pơkeăng a mâu Khoa Truyền nhiễm [ă pêi pro tơdroăng ki mơdât tâi tâng khoa Truyền nhiễm, [ă 3 ngế kăn [o#, [ok thái pơkeăng, 11 ngế sinh viên ki pơtâp, 37 ngế mâu ki tamo [ă rơpo\ng hngêi vâi. {ok thái pơkeăng Võ Minh Thành, kăn pho\ pơkuâ hngêi pơkeăng ăm ‘nâi, drêng ngế ki tâ Covid-19 ki apoăng châ ‘nâi, kal pêi pro tơdrêng hlối tơdroăng ki xing xoăng mâu troăng dêi hngêi pơkeăng vâ kơdroh ki pá ăm hngêi pơkeăng kơpong.

Tiah mê, Hngêi pơkeăng râ tơring hbrâ rơnáu tơdah xo mâu ngế ki ai pơreăng lơ nhôm tâ pơreăng, klêi kơ’nâi klêi séa ngăn mơheăm, tâng mơnhên hiăng dương t^nh mê nếo pơtroh a hngêi pơkeăng Kơpong vâ tơku\m pơlât [ă ví tơdroăng ki tâ tú tung hngêi pơkeăng.

‘’Tâng ai môi ngế dương tính mê ngin ôh tá tơdah mâu ngế ki ai pơreăng [ă mơni kô râ tâ nếo, ngin bu tơdah mâu ngế ki dương tính vâ pơlât. {ă hngêi pơkeăng Kơpong ngin hiăng tơbleăng péa kơbong khăm ai 2 péa to hơlâ troăng prôk krê vâ hbrâ mơdât mâu ngế ki tamo lăm khăm ‘na pơreăng Covid. Má péa nếo, ngin xuân hiăng pơkâ thế kơvâ mơjiâng pơkeăng roê ‘măn kơd^ng ếo hbrâ mơdât pơreăng [ă mâu kên pâng môh, kế ki truâ ko\ng tung pơla 3 khế’’.

Kăn [o# ngăn pơkeăng séa ngăn ki tô a châ ăm mâu ngế ki vêh sap ing kơpong ki ai pơreăng

Jâ H’Yim Kđoh, Kăn pho\ hnê ngăn Vi [an kong pơlê, kăn pho\ Khu hnê mơhno cheăng hbrâ mơdât Covid-19 kong pơlê Dak Lak ăm ‘nâi, klêi kơ’nâi ‘nâi mơngế ki apoăng tâ pơreăng Covid-19, kong pơlê hiăng séa ngăn mâu tơdroăng ki tơdjâk troh pơreăng troh troăng prôk dêi ngế ki tâ pơreăng mê; tí tăng [ă klâ ối krê mâu ngế F1 hiăng ối achê [ă ngế ki tâ pơreăng; Hnê mơhnhôk kuăn pơlê pêi pro mâu troăng hơlâ hbrâ mơdât pơreăng tro tiô pơkâ dêi Khu xiâm ngăn pơkeăng [ă khăm pơlât. Tơdrêng amê hnối po, ăm xúa mâu tíu cheăng dêi 2 tíu ki klâ ăm ối krê tơdjuôm.

‘’Kong pơlê xuân hiăng mơjiâng péa tíu ki klâ ối krê tơku\m, má môi cho a Tíu xiâm Pơlât mâu ngế ki ai hnoăng a bêng Tân An. Kơpong klâ krê tơku\m kố cho kum ăm tâi tâng tá kăn [o# ngăn pơkeăng tơdah xo tơdrêng, pơlât mâu ngế ki tâ pơreăng Covid-19. Má péa cho tíu klâ krê tơku\m a Trung đoàn kan sat cơ đo#ng Tây Nguyên a bêng Tân Hòa, pơlê kong kơdrâm {uôn Ma Thuột, kơpong kố ai dâng 300 ngế tơngi klêng, kơpong kố cho kum ăm tâi tâng mâu ngế ki nhôm lơ kuăn pơlê ki tro sap ing kơpong ki ai pơreăng vêh’’.

Klêi kơ’nâi mơnhên ngế ki tâ Covid-19 a kong pơlê, Vi [an hnê ngăn kong pơlê Dak Lak hiăng pro klêi mơéa kơxo# 6592 ‘na tơdroăng ki tối tơbleăng mâu troăng hơlâ pêi pro tơdrêng hbrâ mơdât pơreăng Covid-19 tung kong pơlê. Tiah mê, sap ing 12 chôu măng dế lơ 30/7 kong pơlê Dak Lak pơxiâm xúa mâu troăng hơlâ ki kơdroh ối tơku\m hên ngế. Rơtế amê, kong pơlê kố xuân pơtê mâu tơdroăng ki hôp, mâu tơdroăng ki tơku\m lối 20 ngế tung môi kơbong.

Vi [an hnê ngăn kong pơlê pơkâ thế kuăn pơlê pôi tá tơku\m ối lối 20 ngế a tíu pêi cheăng, hngêi trung hriâm. Pơtê mâu tơdroăng ki lăm khôp, pơtê tâi tâng mâu tơdroăng cheăng mơhno túa le\m tro, tơ’noăng ivá, xah hêi a mâu tíu ối tơdjuôm. Pơtê pơtân mâu tíu ki mơjiâng pro tê mơdró; kơpong xah hêi, hngêi hơdruê karaoke, tíu ki mơđah phim, tíu xah internet, tíu ki tê mơdró kế tơmeăm đie#n tư, ki xah hên ai tơmeăm diâp ăm, kơbong pơtâp yoga [ă hên ki ê hía.

{ă tíu kâ kế, hngêi ki ôu kâ, tíu ki tê kơphế tung kong pơlê, pơkâ thế pêi pro kơtăng mâu troăng hơlâ hbrâ mơdât pơreăng tiô hnê mơhnhôk dêi kơvâ ngăn pơkeăng (truâ kên pâng môh, vê ngăn ki hngiú tô a châ, xing xoăng kơbong jíu ko\ng kơdê pơreăng [ă mâu ngế ‘na chiân kế kâ ăm tơmối; xing xoăng tơnêi tíu ki tê mơdró rak tơniăn klâ ối hngế 1 met).

Tơdrêng [ă tơdroăng ki hnê mơhnhôk kuăn pơlê pôi tá lo ing hngêi drêng ôh tá ai tơdroăng kal [ă pêi pro kơtăng mâu troăng hơlâ hbrâ mơdât Covid-19 (đi đo jíu ko\ng [ă kơ-[o\ng lơ têa kơdê pơreăng; rak vế klâ hngế 1 met drêng trâm mơngế ki ê, truâ kên pâng môh drêng lo a troăng [ă kơto tung rơxế, [ă ôh tá ối a tíu ki ai hên kuăn mơngế).

Nam Trang chêh

Katarina Nga tơplôu [ă tơbleăng