A hngêi pôa Nguyễn Văn Linh, Kăn xiâm pơkuâ hnê ngăn cheăng Đảng hneăng hdrối, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn Tơnêi têa tối tơdroăng ki mơnê kơ kăn xiâm pơkuâ hnê ngăn cheăng Đảng ki kơhnâ rơkê dêi chal pơhlêh nếo, ngế ki hiăng rơtế ƀă Tíu xiâm Đảng mơ’no ƀă tơkŭm pêi pro troăng hơlâ tơtro, veăng gum ăm tơnêi têa tơkâ luâ xơpá, rế hía rế mơnhông.

Khu kăn hiăng troh chôu nhang tơbâ pôa Võ Chí Công, Kăn xiâm hnê ngăn Hô̆i đong Tơnêi têa hneăng hdrối, kăn pơkuâ ki kơhnâ tơdrăng, ai hên ivá veăng gum tung rôh tơplâ vâ châ tơniăn, pro tơnêi tơrŭm chiâng môi. Khu kăn ối troh chôu nhang a hngêi pôa Phạm Hùng, Kăn xiâm hnê ngăn Hô̆i đong Ngế xiâm ƀă pôa Lê Duẩn, Kăn xiâm pơkuâ hnê ngăn cheăng Đảng hneăng hdrối, mơhno hiâm mơno mơnê kân khât, hlối pôu kơ-êng, tơpui tơno ƀă mâu rơpŏng hngêi nhŏng o mâu rơpŏng pôa. Khu kăn xuân tơbâ pôa Võ Văn Kiệt, Ngế pro xiâm hnê ngăn tơnêi têa ƀă Đăi tươ̆ng, Kăn xiâm hnê ngăn Tơnêi têa Lê Đức Anh.

Tơdroăng cheăng lăm pôu kố hiăng veăng gum ô eăng mâu rơxông ki prôk hdrối, hnê hriâm khôi hmâ pâ nhuô̆m tơnêi têa, ‘mâi mơnhông hnoăng cheăng tung mơjiâng ƀă rak vế Tơnêi têa.