Kố cho tơdroăng ki kal xua Kâu lăk ƀô̆ hnê tối ‘na tơdroăng pơplâ xâ nah dêi Pơlê kong kân Hồ Chí Minh tơ kŭm po. 92 ngế veăng hôp trâm mâ mê cho mâu “reăng meăm thĕp” lo ing mâu tíu pêi cheăng, đông lêng: Tân Uyên, Dầu Tiếng, Bến Cát, Thuận An ƀă Châu Thành. Tung ngôi on tơplâ mê, mâu ngế kuăn kơdrâi dế môi chât tơchên, péa chât hơnăm mê nah hiăng pơtê hơnăm dế ối hdroh, veăng râng pháu lăm plâ xâ, kring vế, gak ngăn, xông tơplâ xâ vâ châ tơleăng lĕm, ‘no hnoăng chêh ‘măn tơdroăng plâ ƀlêi trâng pro tơleăng lĕm hdroâng mơngế, lâp tơnêi têa tơrŭm môi.

Ngăn a ko dêi mâu ngế ki mê nôkố xâk hiăng pôk, kơpeăng kŏng hiăng rơxá, la drêng tối troh rơxông kân hdrah tung kong, koi tung klôh, mâ ngế ki lâi xuân hleăng lĕm, hâk tơngăm.