Hmât tung kơtong tâ tơmeăm tơná 2 kơhôp têa tôu ro, 1 kong kếo têa kơ[o\ng hum ko, 10 kơxuô xup kơxo\ng khăng [ă môi iâ kế kâ ối drêh, jâ Đỗ Thị Xuân Thủy, ối a thôn 2 cheăm Hoà Xuân, pơlê kong kơdrâm Buôn Ma Thuột ăm ‘nâi, jâ bú rôe mâu tơmeăm ki kal [ă xo hên tâ hâi ki ê vâ kơdroh lo pá gong.

‘’Kơchơ achê hngêi, kal rôe ‘măn hên pro klâi, bú rôe têa tôu ro vâ ôu tê. Ki klâi kal rôe mê nếo lăm rôe. Mâu tơmeăm kơdroh hên, môi tiah kong kếo têa kơ[o\ng hum ko môi hr^ng tơdrốu chât to lâi rơpâu hlối mê hiăng kơdroh 50 rơpâu, ngăn chêh troh hơnăm 2023 ah nếo tâi hâi khế hơnăm pơkâ’’.

Jâ Thủy bú rah rôe mâu tơmeăm ki kal tê, bê vâ xúa

Môi tiah jâ Thủy, pôa Nguyễn Quyết Thắng, ối bêng Tự An, pơlê kong kơdrâm {uôn Ma Thuột xuân tối bú rôe tu\m mâu tơmeăm ki lâi kal vâ xúa:

‘’Á troh lăm rôe mê xuân hlo ối tiah hmâ, yă tơmeăm xuân ối môi tiah mê, ôh tá hlo to kơnâ yă mê rơpo\ng a bú rôe tơmeăm kal vâ xúa tê, tâi ah lăm rôe ếo ôh tá rôe ‘măn.

Tiô pôa Nguyễn Duy Quảng, Ngế xiâm pơkuâ rak ngăn kơchơ {uôn Ma Thuột, tung mâu hâi hdrối kố nah, pêi pro tiô pơkâ klâ ối krê pơlê pơla, mâu rơpo\ng tê mơdró mâu tơmeăm ki oh tá kal hiăng kl^ng péa. Khu mâu ngế lăm kơchơ xiâm {uôn Ma Thuột xuân môi tiah yă tơmeăm ki kal xuân ôh tá hlo to kơnâ yă.

‘’Tơmối ki rôe xuân ối hên môi tiah hmâ, mâu ki tê mơdró mâu tơmeăm ôh tá kal môi tiah hmân êo, ché mê vâi hiăng pơtê, bu ối to mâu ki tê hơ’nêh, ká, kơchâi, plâi mê tê ối tê. Ki hên tơmối rôe a mâu siêu thị, (ki-ôs) kios xuân môi tiah a tíu tê mơdró kân hên tơmeăm, vâ tối tung kơchơ xuân ối môi tiah hmâ’’.

Tơmeăm hên, yă tê tơniăn mê ôh tá ai tơdroăng ki kuăn pơlê tơbriât rôe tơmeăm vâ ’măn kơd^ng

Jâ Trần Thị Thành Nhân, kăn pho\ pơkuâ Siêu thị Co.op {uôn Ma Thuột, Dak Lak ăm ‘nâi, tơmeăm ki ‘măn kơd^ng tung pơla ai pơreăng châ siêu thị hbrâ hên. Tung mê, ki hên cho mâu phái, têa rơmâ, têa măm, xup kơxo\ng khăng, tơmeăm tâ tung kơ’lo, têa kơdê pơreăng, kên pâng môh rơkong, hlá mơ-éa xúa lăm dế... [ă yă tơniăn. Pak^ng mê, Siêu thị hiăng tơbleăng tê tơmeăm a hngêi ing zalo, facebook [ă trang web tơná. Ing mê, tíu kố hiăng xo tơmeăm ing krếo phôn [ă hlối pơcháu tơmeăm a hngêi mơngế ki rôe. Jâ Trần Thị Thành Nhân ăm ‘nâi:

‘’Siêu Thị Co.opmart {uôn Ma Thuột hiăng ‘măn kơd^ng mâu tơmeăm rế tâk hên tơ’nôm 25-30% mâu tơmeăm ki kal vâ tê ăm mơngế rôe [ă yă tê môi tơmeăm tung pơla ai pơreăng xuân tơniăn [ă hlối mơdêk tê ăm tơ’nôm vâ kum ăm mâu ki rôe xuân vâ mơhnhôk mâu ngế ki rôe xúa tơmeăm ai tơdroăng ki ăm tơ’nôm kơdroh pá puât tung rơnó ai pơreăng kố’’.

Mâu tíu tê tơmeăm kâ a siêu thị hiăng kl^ng péa vâ hbrâ mơdât pơreăng Covid

Vâ tơniăn ‘na kế kâ, tơmeăm tê ăm kuăn pơlê tung pơla dế klâ ối krê pơlê pơla, Vi [an hnê ngăn kong pơlê Dak Lak hiăng ai hlá mơ-éa hnê mơhno mâu khu râ kơvâ cheăng. Malối cho Khu ngăn tê mơdró hnê mơhno ăm mâu Siêu thị, tíu xiâm ngăn tê mơdró, kơchơ, khu mơdró pêi pro tơmeăm pơkâ troăng hơlâ tơniăn ‘na yă tơmeăm. Tung mê hnê mơhno mâu tíu pêi cheăng mơdêk tơ’nôm tơmeăm sap 5-10% khu tơmeăm vâ xúa lối 1,8 rơtuh ngế kuăn pơlê Dak Lak; pak^ng mê, ai troăng hơlâ tê tơmeăm online tê tơmeăm troh mâu rơpo\ng hngêi. Jâ H’Yim Kđoh, Kăn pho\ hnê ngăn Vi [an hnê ngăn kong pơlê Dak Lak ăm ‘nâi, kong pơlê pơxâu phâk kơtăng mâu ngế ki rak tơmeăm hriăn vâ pro tâk yă:

‘’Vi [an hnê ngăn kong pơlê hnê mơhno [ă mâu khu tê mơdró tơniăn mâu tơmeăm ki vâ xúa tro má môi ăm tơdroăng rêh ối dêi kuăn pơlê. Má péa, ôh tá pro tokơnâ yă mơhé vâ ai tơdroăng klâi. Xua mê nôkố tâi tâng mâu tơmeăm ki kal tá kế kâ tơmeăm xúa tung kong pơlê [ă mâu tíu mơdró hiăng k^ tơhrâ ôh tá pro to kơnâ yă. Tâng pro to kơnâ yă kong pơlê kô pơxâu phak  kơtăng tro tiô luât’’.

            Nam Trang chêh

Gương tơplôu [ă tơbleăng