VOV4.Sêdang -  Viƀan tơring Ea Hleo, kong pơlê Dak Lak thế pơtê hnoăng cheăng pro Kăn xiâm hnê ngăn ƀă phŏ hnê ngăn Vi ƀan cheăm Ea Nam xua lơ tơngôu oh tá vâ rĕng plâ mơdât pơreăng. Riân troh hâi lơ 5/9, tơring Ea Hleo ai 112 ngế tâ COVID 19, to a cheăm Ea Nam hiăng ai 73 ngế, chiâng ki ai hên ngế tâ pơreăng dêi tơring Ea Hleo. Tiô mâu pơkâ 2906 ƀă 2908, kăn xiâm hnê  ngăn Vi ƀan tơring Ea Hleo thế Nguyễn Văn Nhiệm, kăn xiâm hnê ngăn Vi ƀan tơring Ea Hleo ƀă pôa Kpă Y Chức pơtê cheăng hneăng hơnăm 2021-2026.

Klêi mê, tơdroăng kố kô ăm pơtê tung pơla 15 hâi vâ séa ngăn, mơnhên xiâm hnoăng cheăng dêi ngế ki ối a ko tung tơdroăng cheăng hbrâ mơdât pơreăng COVID-19 tung cheăm Ea Nam. Cheăm Ea Nam lơ ăm kuăn pơlê tơkŭm mơdâm kiâ, tơkŭm pú hên, pro xôi luât pơkâ 15 dêi Ngế pro xiâm hnê ngăn Chin phuh pro chiâng tâ tú pơreăng troh tung kuăn pơlê. Tung pơla dế thế pơtê cheăng, pôa Nguyễn Van Nhiệm thế pơcháu tâi hnoăng cheăm ăm pôa Nguyễn Văn Tiến, Kăn xiâm phŏ hnê ngăn Vi ƀan cheăm.

Gương tơplôu ƀă tơbleăng