Ea Kmat cho inâi dêi Vie#n khoa hok kih thuât pêi chiâk deăng pêt kong Tây Nguyên (tối cho Vie#n Ea Kmat, ối a cheăm Hòa Thắng, pơlê kong kơdrâm {uôn Ma Thuột, kong pơlê Dak Lak) châ hr^ng rơtuh ngế kuăn pơlê pêi chiâk deăng Tây Nguyên ô eăng, ‘nâi troh, xua kố cho tíu ki loi tơngah vâ rôe hdrê loăng plâi, hên tíu mơdâ hdrê pá kong pro pơxúa ăm dêi tơná phá xêh, cho tíu mơdâ hdrê dêi Vie#n, pro hên kuăn pơlê bô bố xuân rơhêng vâ lăm rôe hdrê a tíu ki pơloi mê.

Drô troăng Nguyễn Lương Bằng, cheăm Hoà Thắng, pơlê kong kơdrâm {uôn Ma Thuột hlo hên mâu tíu tê hdrê pơrá chêh tơ’nôm chư ‘’Ea Kmat’’ a mâu kơ-[ăng, chư chêh drăng ché tơbleăng dêi tíu mơdró hdrê tơná.

Sap apoăng rơnó mêi hngê, tơdroăng tê rôe hdrê a kố cho kơdrâm khât. Ngoh Y Văn, ối a [uôn Yang, cheăm Krông Nô, tơring Lăk, kong pơlê Dak Lak lăm vâ chê 100 km tăng troh a cheăm Hòa Thắng vâ rôe hdrê kơphế vâ vêh pêt. Y Văn tối ăm ‘nâi, ngoh xuân môi tiah hên mâu ngế ki ê ối a hơngế tăng troh, hlo tíu tê hdrê ki lâi xuân chêh tơbleăng chư ‘’Ea Kmat’’, ôh tá ‘nâi rah tíu ki lâi vâ rôe hdrê ki păng ‘nâng dêi Vie#n Ea Kmat:

‘’A châm xuân ai, laga tâng to vâi tối, lăm a kố tăng hdrê ki le\m, vâ la ngiâ hdrê pin pêt dâi le\m, plâi kơtốu, kloăng kân, tơ’lêi krí. Nôkố xuân dế lăm ti tăng, tro lơ ôh xuân tá hâi ‘nâi dế séa ngăn, kơ-êng hdrối’’.

Ngoh Đỗ Thành Luân, ối a cheăm Ea Pam, tơring Ea Kar, kong pơlê Dak Lak cho ngế ki mơhúa tăng tro tíu 53 – Nguyễn Lương Bằng, cho tíu tê hdrê dêi Tíu xiâm hriăn ple\ng [a\ hnê cheăng tiô kơmăi kơmok kơphế Ea Kmat. Ngoh Luân tối ăm ‘nâi, rôe to lâi hr^ng xiâm loăng plâi pêt tơmó, laga pá vâ tăng tíu ki cho khât, xua tíu ki lâi xuân chêh tơbleăng ‘’Ea Kmat’’ [a\ tơbleăng cho hdrê ki dâi, tơniăn  le\m:

‘’Hâi kố lăm a kố á rôe iâ hdrê vâ pêt, drêng kong mêi vâ tăng hdrê pêt, á tâng vâi tối tung internet cho Vie#n Ea Kmat kố hdrê le\m, tơniăn hdrê dâi le\m, mê á lăm a kố vâ rôe’’.

Tie#n sih Trần Vinh, Kăn pơkuâ Tíu xiâm hriăn ple\ng [a\ hnê cheăng pêi kơmăi kơmok pêi pêt rak ngăn kơphế Ea Kmat - ối tung Vie#n khoa hok kih thuât hnê pêi chiâk deăng pêt kong Tây Nguyên tối ăm ‘nâi, tíu kố ôh tá ai tíu ki ê pa kong, bu ai môi tíu mơdâ, tê hdrê a kơxo# 53 Nguyễn Lương Bằng, pơlê kong kơdrâm {uôn Ma Thuột.

Xuân tiô pôa Vinh, tơdroăng mơdâ hdrê dêi Tíu xiâm pêi krâu khata, tiô cheăng kơmăi kơmok rơxông nếo, kơnâ châ rơtal liăn. Ahdrối vâ tê tung kơchơ, hdrê loăng thế séa ngăn ki dâi le\m môi xôh nếo, xua mê ôh tá ai pơrea\ng. Pôa tối, [a\ tơdroăng pêi [a\ ko\ng, dâi le\m, mâu tíu mơdâ hdrê pá kong ôh tá chiâng mơdâ hdrê ki krúa [a\ dâi le\m. Xua mê, kuăn pơlê kal kơchăng drêng rôe hdrê vâ pêt. Tie#n sih Trần Vinh tối:

‘’Vâi pơloi inâi, xo inâi dêi Vie#n, xo tíu 53 Nguyễn Lương Bằng tâp tơbleăng hmâng vâ a tá, vâi pơloi inâi, pơloi môi tiah mê, laga ki khât ôh tá ‘nâi hdrê mơdâ dêi khu pá kong hôm dâi le\m lơ ôh, plâi hôm kơtốu lơ ôh, xua vâi vâ kho\m châ tê dêi hdrê, mê vâi ‘nhê yă kơchơ tê mơdró, pro kuăn pơlê ôh tá loi a Vie#n-cho tíu xiâm mơdâ hdrê, kuăn pơlê pin tâng tối yă rơpâ mê vâi rôe. Tơdrêng amê, mâu tíu ki mơdâ khât mê kuăn pơlê ôh tá ‘nâi, mê cho tơdroăng ki tơbriât ôh tá le\m, pro tô tuăn, ngin pâ thế kơ koan pơkuâ thế ai túa mơdât’’.

Drêng tơdroăng mơdâ hdrê a Vie#n Ea Kmat cho dâi khât, mê mâu tíu ki pá kong bu mơdâ [a\ ko\ng tiô túa ki tơ’lêi hlâu. A thôn 2, thôn 8, thôn 11, cheăm Hòa Thắng ai hr^ng rơpo\ng mơdâ hdrê ôh tá k^ tơkêa pêi cheăng, laga hdrê tê tung kơchơ ai hên h^n. Nâ Phạm Thị Tình, ngế pơkuâ kơdrum mơdâ hdrê a thôn 2, cheăm Hòa Thắng, pơlê kong kơdrâm {uôn Ma Thuột, kong pơlê Dak Lak tối:

‘’Ôh tá ai mơ-éa phêp ki lâi, a kố mơdâ pro hdrê dâi le\m, tá xê mơdâ hdrê ki ‘mêi, pơtih hdrê [ơr kố á rôe dêi mơngế ki á hmâ pêt, á  hlo plâi, xua mê rôe pơklêp. Ôh tá ai mơ-éa k^ ki lâi, ki vâi mê vâi pêt mê nếo k^’’.

Tiô Kơ koan pêi pêt [a\ rak vế hdrê kơchâi plâi pôm kong pơlê Dak Lak tối, klêi kơ’nâi séa ngăn nếo achê kố a 36 tíu tê mơdró hdrê ăm hlo, tơdroăng mơdâ hdrê, tê mơdró hdrê ôh tá ‘nâi xiâm kối, ôh tá dâi le\m cho hên khât. Ki hên cho mâu tíu mơdâ hdrê pơrá mơdâ hên hdrê tung kơdrum, ôh tá k^ tơkêa tung tơdroăng mơdâ hdrê [a\ tá hâi ai kơ koan cheăng ki lâi mơnhên ki dâi le\m dêi hdrê loăng plâi.

A Sa Ly tơplôu [a\ tơbleăng